27.09.2026 | 20:00
Չորս համայնքում ՏԻՄ ընտրությունների քվեարկությունն ավարտվել է․ սկսվել է հաշվարկը
«Նախ թող ԱԺ-ն «Իմ քայլ»-ի որոշումն ընդունի, հետո կսկսենք ՍԴ-ի հետ կապված գործընթացը». Արարատ Միրզոյան. ՏԵՍԱՆՅՈՒԹ
Քաղաքականություն
20.09.2019 | 16:58
Ես իմ ելույթում շատ հանգամանալից անդրադարձել եմ, թե ինչից ելնելով եմ ես անհրաժեշտ համարում, որ Ազգային ժողովն իր դիրքորոշումը հայտնի ՍԴ-ում և նրա շուրջ տեղի ունեցողի վերաբերյալ: Նախագահական նստավայրում պարգևատրման արարողությունից հետո լրագրողների հետ զրույցում անդրադառնալով Սահմանադրական դատարանի հետ կապված գործընթացի մասին հարցին՝ ասաց ՀՀ ԱԺ նախագահ Արարատ Միրզոյանը:
«Ես, որպես ԱԺ նախագահ, անհրաժեշտ եմ համարել խոսել այդ մասին և, ըստ ամենայնի, «Իմ քայլը» խմբակցությունը՝ որպես քաղաքական մեծամասնություն, անհրաժեշտ է համարել ներկայացնել այդ որոշման նախագիծը»,- ասաց Միրզոյանը:
Հարցին՝ եթե չբավարարեն ԱԺ-ի դիմումը և Հրայր Թովմասյանը շարունակի պաշտոնավարել, որո՞նք են լինելու հետագա քայլերը, խորհրդարանի նախագահը պատասխանեց. «Եկեք սպասենք, տեսնենք՝ ԱԺ-ն նախ այս որոշումն ընդունո՞ւմ է, թե՞ ոչ, գնո՞ւմ է ՍԴ և ինչպիսի վերաբերմունքի է արժանանում, հետո կխոսենք այդ մասին»:
Մանրամասները՝ տեսանյութում:
