08.06.2026 | 22:24
Ամփոփվել են տնային կալանքի տակ գտնվող անձանց ընտրական իրավունքի ապահովման արդյունքները
Եթե ՍԴ-ում բավարար քվեներ չապահովվեն, որոշումը կհամարվի մերժված. Վլադիմիր Վարդանյան. ՏԵՍԱՆՅՈՒԹ
Քաղաքականություն
20.09.2019 | 14:48
ՍԴ նախագահ Հրայր Թովմասյանի լիազորությունները դադարեցնելու գործընթացը նախաձեռնվել է «Իմ քայլը» խմբակցության կողմից, որն ամրագրված է ԱԺ լիազորությունների շրջանակում և այն ընթացակարգով, որը նախատեսում է «ԱԺ կանոնակարգ օրենքը»: Այս մասին այսօր խորհրդարանում լրագրողների հետ զրույցում նշեց ԱԺ պետաիրավական հարցերի հանձնաժողովի նախագահ Վլադիմիր Վարդանյանը:
Նա տեղեկացրեց, որ Սահմանադրական դատարանի դատավորի լիազորությունները դադարեցնելու հիմքերի ուսումնասիրությունը ՍԴ-ի տիրույթում է:
«Փորձ է արվում այս ամենի մեջ տեսնել քաղաքական գործընթաց, քաղաքական մանիպուլյացիաներ: Առաջ ասում էին՝ իրավական գործընթացների չեք դիմում, քաղաքական մանիպուլյացիաներ եք անում, փորձում եք ճնշում գործադրել դատարանների վրա: Հիմա մենք ընտրել ենք իրավական ուղին: Եթե կասեք, որ ԱԺ խմբակցությունը շեղվել է իր սահմանադրական լիազորություններից, դա այլ բան է: Բայց այն, ինչ կատարվում է, հավուր պատշաճի է իրականացվում, Սահմանադրության նորմերին համապատասխան»,- շեշտեց պատգամավորը:
ՍԴ-ում որևէ անձի նկատմամբ գործընթաց սկսելն ինքնանպատակ չէ: Վարդանյանի համոզմամբ՝ դա հակասում է իրավական պետության սկզբունքներին:
Մանրամասները՝ տեսանյութում։
Շողիկ Գալստյան
