08.06.2026 | 17:17
Արտաքին ճնշումները մեծ ազդեցություն ունեցան ընտրողների վրա․ Նիդերլանդների խորհրդարանի պատգամավոր․ ՏԵՍԱՆՅՈՒԹ
Գևորգ Պետրոսյանը՝ Արթուր Վանեցյանի՝ ԲՀԿ-ին անդամակցելու մասին. ՏԵՍԱՆՅՈՒԹ
Քաղաքականություն
20.09.2019 | 13:42
Ինձ չեմ կարող թույլ տալ բացասական կարծիք հայտնել Արթուր Վանեցյանի գործունեության մասին: Խորհրդարանում լրագրողների հետ զրույցում ասաց «Բարգավաճ Հայաստան» խմբակցության պատգամավոր Գևորգ Պետրոսյանը։
ԱԱԾ նախկին տնօրենի հրաժարականի տեքստի համար նա ափսոսում է։ «Ինքը թողել է սրտացավ մարդու տպավորություն: Հիմա այն չէ, որ ինքն այլևս պաշտոնյա չէ, սկսենք քարկոծել ոմանց նման, որ Վանեցյանին տեսնելուց կարող է պատերի տակով են ման եկել, հիմա Վանեցյանը պաշտոնյա չէ, արդեն դառել են հերոս, դա մեր ոճը չի»,- ընդգծեց Գևորգ Պետրոսյանը։
ԲՀԿ-ական պատգամավորն անդրադարձավ նաև լուրին, թե Արթուր Վանեցյանն անդամակցելու է «Բարգավաճ Հայաստան» կուսակցությանը:
«Խոսակցություններ կարող են լինել, մեր կուսակցությունը կարագի հերթի մարդկանց չի միավորում, որ ով ուզի, այդ պահին մտնի ԲՀԿ։ Ցանկացած քաղաքացի, որն ուզում է մտնել մեր կուսակցություն, պետք է ընդունի մեր կուսակցության գաղափարախոսությունը։ Իհարկե, ցանկալի է, մի մարդ, որը հայրենանվեր է, բայց այսօր կանգնել ասել, որ այո՛, մենք ուզում ենք, որ Վանեցյանը գա, դա իմ ասելիքը չէ։ Եթե նման նախաձեռնություն կլինի, մենք ունենք կուսակցության ղեկավար, և ես նրանից առաջ կարծիք արտահայտելու ցանկություն չունեմ»,- նշեց Գևորգ Պետրոսյանը:
Մանրամասները՝ տեսանյութում։
Շողիկ Գալստյան
