27.09.2026 | 13:23
ԱՄՆ մեկնել զբոսաշրջային վիզայով՝ ծննդաբերելու և երեխային քաղաքացիություն ապահովելու նպատակով, չի թույլատրվում․ դեսպանություն
Վանեցյանի հայտարարությունն ընդգծված քաղաքական էր, նման էր դուռը շրխկացնելով փակելուն. Արմեն Բադալյան. ՏԵՍԱՆՅՈՒԹ
Քաղաքականություն
19.09.2019 | 14:16
Վալերի Օսիպյանի և Արթուր Վանեցյանի հրաժարականները փորձ է արվում դնել նույն հարթության մեջ, ինչը ողջունելի չէ։ Լրագրողների հետ հանդիպմանն այս մասին ասաց քաղտեխնոլոգ Արմեն Բադալյանը:
«Դրանք արտաքինից գուցե նույնն են, բայց յուրաքանչյուր դեպք պետք է առանձին քննարկվի, ամեն հրաժարական կարող է առանձին պատճառ ունենալ։ Վանեցյանի հայտարարությունն ընդգծված քաղաքական էր, որն ավելի շուտ նման էր դուռը շրխկացնելով փակելուն, քան հրաժարականի։ Բոլոր երկրներում էլ հրաժարական են տալիս ուժային կառույցների ղեկավարները, բայց ընդունված է դա անել չեզոք տեքստ գրելով։ Բայց այս դեպքում այդպես չէր, բավականին խիստ տոնով գրված փաստաթուղթ էր և գնահատական տրվեց վարչապետին»,- կարծում է քաղտեխնոլոգը:
Նա պատահական չի համարում, որ երեկ երեկոյան իշխող «Քաղաքացիական պայմանագիր» կուսակցության վարչության նիստից հետո փորձում էին համոզել, որ վարչապետն է իրեն ազատել, և ոչ թե Վանեցյանն է հրաժարական տվել։
Մանրամասները՝ տեսանյութում:
Ռոբերտ Անանյան
