12.06.2026 | 14:38
Մարդիկ, ովքեր մանիպուլացնում են իմ խոսքը, կամ չեն ըմբռնել կոնտեքստը, կամ ապուշ են. Սերժ Սարգսյան. ՏԵՍԱՆՅՈՒԹ
Հայաստանում կանցկացվի աննախադեպ մասշտաբների զորավարժություն, տեղի կունենա զորակոչ․ ՏԵՍԱՆՅՈՒԹ
Քաղաքականություն
19.09.2019 | 12:32
Սեպտեմբերի 24-ից հոկտեմբերի 5-ը կկազմակերպվի և կիրականացվի պետական և տեղական ինքնակառավարման մարմինների մասնակցությամբ ռազմավարական զորավարժություններ՝ ուսումնավարժական հավաք-պարապունքների միջոցով։
Նպատակն է՝ որոշել պետական և տարածքային կառավարման մարմինների, տեղական ինքնակառավարման մարմինների և կազմակերպությունների պատրաստությունը և ունակությունը՝ պայմանական իրադրության պայմաններում զինված ուժերը և այլ զորքերը պատերազմական ժամանակաշրջանի կազմի և կառուցվածքի փոխադրման համար անհրաժեշտ պահեստազորայիններով ու տրանսպորտային միջոցներով ապահովելու գործընթացում: Ուսումնավարժական հավաքները և պարապմունքները կրում են ռազմավարական զորավարժությունների բնույթ:
Ուսումնավարժական հավաքների և պարապմունքների ընթացքում զորահավաքային նախապատրաստության միջոցառումների իրականացմամբ հնարավոր կլինի գնահատել ռազմական անվտանգության համակարգի զորահավաքային հնարավորությունները, վեր հանել զորահավաքային նախապատրաստության խնդրահարույց հարցեր, ինչպես նաև մշակել մեխանիզմներ՝ զորահավաքային նախապատրաստության և զորահավաքի արդյունավետության բարձրացման ուղղությամբ:
Վարչապետ Փաշինյանը նշեց, որ սա պլանային, աննախադեպ զորավարժություն է, կոչ արեց բոլորին մասնակցել դրան՝ նշելով, որ պաշտպանության նախարարի հրամանով տեղի կունենա զորակոչ։
Մանրամասները՝ տեսանյութում։
