22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Գուտերեշը հուսով է՝ Հայաստանի և Ադրբեջանի նախագահների հանդիպումը կնպաստի վստահության ամրապնդմանը
Քաղաքականություն
27.09.2017 | 15:06
ՄԱԿ-ի գլխավոր քարտուղար Անտոնիո Գուտերեշը ողջունում է սեպտեմբերի 23-ին Նյու Յորքում կայանալիք Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը և իր զորակցությունն է հայտնում ԵԱՀԿ Մինսկի խմբի ջանքերին: Այս մասին հայտարարություն է տարածել ՄԱԿ-ի գլխավոր քարտուղարի պաշտոնական ներկայացուցիչ Սթեֆան Դյուժարիկը:
«ՄԱԿ-ի գլխավոր քարտուղարն իր աջակցությունն է հայտնել լարվածության թուլացման և բանակցային գործընթացի վերականգնման ուղղությամբ համանախագահների ջանքերին։ Գլխավոր քարտուղարը հուսով է, որ նախագահների մակարդակով նախատեսվող հանդիպումը կնպաստի կողմերի միջև վստահության ամրապնդմանը ու անհրաժեշտ քաղաքական կամքի խթանմանը՝ խաղաղ փոխզիջումային լուծումներ գտնելու առանցքային հարցերի շուրջ», – ասված է հայտարարության մեջ:
