14.01.2026 | 18:11
Իրանը զգուշացրել է Թուրքիային և մյուս հարևաններին՝ կարող է հարվածել ամերիկյան բազաներին, եթե Վաշինգտոնը հարված հասցնի
Գայթակղությունը մեծ է այս կամ այն հարցը կացինով լուծելու. Արարատ Միրզոյանը՝ դատական համակարգի մասին. ՏԵՍԱՆՅՈՒԹ
Քաղաքականություն
12.09.2019 | 17:18
«Դատական բարեփոխումների մեկնարկը տրված է, բայց, կարծում եմ, կհամաձայնեք, որ դա երկար պրոցես է, և դժվար կլիներ սպասել, որ այն ավարտվի ու նոր սկսենք դատական գործերի քնությունը»,- այս մասին այսօր ԱԺ-ում լրագրողների հետ զրույցում ասաց ԱԺ նախագահ Արարատ Միրզոյանը՝ անդրադառնալով հարցին, որ այսօր աղմկահարույց դատական գործեր են քննվում այն պարագայում, երբ դատական համակարգն այդպես էլ չբարեփոխվեց։
ԱԺ նախագահը, այդուհանդերձ, հույս ունի, որ ՀՀ յուրաքանչյուր դատավոր այս կամ այն գործը քննելիս առաջնորդվում է բացառապես ՀՀ օրենքներով։
«Հույս ունեմ, որ դատարանները թույլ չեն տա՝ խորացնել անվստահությունը դատական համակարգի նկատմամբ»,- շարունակեց Միրզոյանը՝ հավելելով. «Իհարկե, գայթակղությունը շատ մեծ է, գուցե այդպիսի հանրային պահանջարկ կա՝ կացինով լուծել այս կամ այն հարցը, բայց մենք՝ որպես իշխանություն, չենք կարող գնալ այդ ճանապարհով, չենք կարող անտեսել միջազգային պարտավորություններ, գործող իրավակարգավորումները։ Առավելապես ինձ՝ որպես հեղափոխական ճանապարհ անցած մարդու, կարող է հեշտ թվալ լուծումը, բայց վստահ եմ, որ պետությունը պետք է զարգանա իրավական ճանապարհով»:
Մանրամասները՝ տեսանյութում:
Շողիկ Գալստյան
