17.11.2024 | 14:19
Նոյեմբերի 18-ի երեկոյան ժամերին և 19-ին սպասվում է կարճատև անձրև
Ինձ մոտ ընդգծված վստահություն կա, որ ԱԺ-ում 131 շատ վատ ու մեկ սուրբ պատգամավոր կա․ Մխիթար Հայրապետյան․ ՏԵՍԱՆՅՈՒԹ
Քաղաքականություն
12.09.2019 | 17:04
Ազգային ժողովի «Իմ քայլը» խմբակցության պատգամավոր Մխիթար Հայրապետյանը զարմացած է՝ եթե Արման Բաբաջանյանը Կոռուպցիայի կանխարգելման հանձնաժողովի անդամների ընտրության առաջարկվող մեխանիզմը համարում է խայտառակություն, այդ դեպքում ինչո՞ւ այդ մասին չի բարձրաձայնել այդ նախագծի առաջին ընթերցման ժամանակ, երբ ինքը դեռ ԱԺ «Լուսավոր Հայաստան» խմբակցության պատգամավորն էր։
«Ուշի ուշով հետևելով պարոն Բաբաջանյանի վերջին ելույթներին՝ ինձ մոտ ընդգծված վստահություն կա, որ Ազգային ժողովում կա 131 շատ վատ և մեկ սուրբ պատգամավոր։ Ես զարմանում եմ, թե ինչպես կարելի է այսչափ երկակի ստանդարտներ կիրառել։ Ասում եք խայտառակություն է տեղի ունեցածը, դավադրություն է պետականության նկատմամբ, մինչդեռ երբ այս դավադիրները ներկայացնում էին այդ առաջարկները, իսկ դավաճանները՝ ընդունում, դուք այդ ժամանակ հանդիսանում էիք «Լուսավոր Հայաստան» խմբակցության անդամ։ Բա եթե այդքան սկզբունքային էիք, այս ամբիոնը այն ժամանակ ինչո՞ւ չօգտագործեցիք ու ասեիք՝ բա էս ի՞նչ եք անում»,- ասաց Հայրապետյանը, ինչին ի պատասխան Արման Բաբաջանյանը տեղից արձագանքեց․ «Արել եմ»։
