09.10.2026 | 22:28
Պանամայում 7,6 մագնիտուդով երկրաշարժ է գրանցվել
Մարզահամերգային համալիրում ռեստորան է բացվելու, Աշոտ Արսենյանի գործընկերը 356 մլն դրամի ներդրում է անում
Քաղաքականություն
11.09.2019 | 22:20
«Կարեն Դեմիրճյանի անվան մարզահամերգային համալիր»-ում ռեստորան է բացվելու: Այդ նպատակով կառույցի 1-ին հարկից 246.6 քառ.մետր և 9-րդ հարկից 529.4 քառ.մետր մակերեսով տարածքները 10 տարի ժամկետով վարձակալության են տրվելու «Հայր և որդի Երեմյաններ» ՍՊԸ-ին:
Նշյալ տարածքի ամսական վարձավճարը կազմում է 3 մլն դրամ ՀՀ դրամ, որի 20 տոկոսն ուղղվում է համալիրի բյուջե, իսկ 80-ը՝ ՀՀ պետական բյուջե:
«Հայր և որդի Երեմյաններ» ՍՊԸ-ն պարտավորվում է վարձակալությունից հետո՝ 6 ամսվա ընթացքում, կատարել 356 մլն դրամի անբաժանելի և բաժանելի ներդրումներ, իսկ մեկ տարվա ընթացքում ստեղծել առնվազն 40 աշխատատեղ՝ համաձայն իր կողմից ներկայացված ներդրումային ծրագրի:
Նշենք, որ «Հայր և որդի Երեմյաններ» ՍՊԸ-ին է պատկանում «Երեմյան Փրոջեքթս» ընկերությունը: Այն իր մեջ ներառում է «Պանդոկ Երևան» ռեստորանների ցանցը, «Երևանի շաուրմա» արագ սննդի ռեստորանների ցանցը, «Լավաշ», «Շերեփ» և «Պանդոկ Երևան Գետափին» ռեստորանները:
«Երեմյան Փրոջեքթս» ընկերության հիմնադիրը Դավիթ Երեմյանն է: Նա մամուլի հրապարակումների համաձայն՝ համագործակցում է «Ջերմուկ գրուպի» սեփականատեր, ՀՀԿ-ական նախկին պատգամավոր Աշոտ Արսենյանի հետ:
Դավիթ Երեմյանը ներդրում է իրականացրել նախկին ՀՀԿ-ականի ընտանիքին պատկանող անասնաֆերմայում: Այս մասին «Հրապարակին» ասել է Աշոտ Արսենյանի ընկերության ֆինանսական գծով տնօրեն Նորայր Մովսիսյանը:
Նարեկ Կիրակոսյան
