05.08.2026 | 20:10
Բուլղարիայի ԱԳՆ-ն շնորհավորել է Արարատ Միրզոյանին
Անի Սամսոնյանն իր հարցի պատասխանն է պահանջում․ Ավինյանը պնդում է՝ տեղեկության չի տիրապետում․ ՏԵՍԱՆՅՈՒԹ
Քաղաքականություն
11.09.2019 | 18:31
Արդարադատության նախարարության քրեակատարողական հիմնարկներում ճգնաժամ է։ Ճգնաժամ է՝ հատկապես բուժանձնակազմի թերլրացման պատճառով։ Այս մասին այսօր Ազգային ժողովում Կառավարության հետ հարցուպատասխանի ժամանակ ասաց «Լուսավոր Հայաստան» խմբակցության պատգամավոր Անի Սամսոնյանը։
Ըստ պատգամավորի՝ 2018 թվականի սեպտեմբերին հետաձգվել է «Քրեակատարողական բժշկություն կենտրոն» ՊՈԱԿ-ի գործունեության մեկնարկի ժամկետը մինչև 2019 թվականի հունվար ամիսը։
«Անցել է մեկ տարի, որևէ շարժ չկա, իսկ խնդիրը շարունակում է մնալ և վտանգավոր լինել ՔԿՀ-ների կալանավորների և դատապարտյալների առողջության համար»,- ասաց Սամսոնյանը՝ Կառավարությունից հետաքրքրվելով՝ ինչո՞ւ չի բացվում այդ ՊՈԱԿ-ը և չբացվելու պարագայում ի՞նչ է առաջարկում Կառավարությունը։
Փոխվարչապետ Տիգրան Ավինյանն Անի Սամսոնյանին առաջարկեց հարցը գրավոր ուղարկել համապատասխան նախարարությանը կամ հնարավորություն տալ այդ հարցին պատասխանել նախարարի տեղակալին՝ նշելով, որ այսօր ԱԺ-ում ներկա են ոչ բոլոր նախարարները, քանի որ նրանք գործուղումների մեջ են։
«Իմ խնդիրը չէ, թե ով կպատասխանի այդ հարցին, դրան պետք է պատասխան տրվի այսօր, որովհետև կան հարցեր, որոնք հետաձգելու չեն»,- պնդեց Սամսոնյանը, ինչին ի պատասխան Տիգրան Ավինյանն ասաց․ «Ես, ցավոք սրտի, տեղեկության չեմ տիրապետում․ այդ պատճառով առաջարկեցի երկու լուծում»։
Մանրամասները՝ տեսանյութում։
