19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հույս չկա, որ Գագիկ Խաչատրյանի ձերբակալությունը կտանի կոռուպցիոն սխեմաների բացահայտման. Հրանուշ Խառատյան. ՏԵՍԱՆՅՈՒԹ
Քաղաքականություն
09.09.2019 | 14:10
Ազգագրագետ Հրանուշ Խառատյանը դժվարանում է ասել՝ արդյո՞ք ֆինանսների նախկին նախարար Գագիկ Խաչատրյանը ձերբակալվեց՝ Ամուլսարի հարցը շրջանցելու համար: «Սա շատ շրջանառվող նյութ է, շատերն այդ կարծիքին են: Հնարավոր է՝ այդպես է»,- այսօր հրավիրված ասուլիսում ասաց ազգագրագետը:
Նա, միաժամանակ, կարծում է, որ հասարակությունն առանձնապես հույսեր չունի, որ Գագիկ Խաչատրյանի ձերբակալությունը կտանի նորմալ դատաքննության և, ի վերջո, կոռուպցիոն սխեմաների բացահայտման:
«Սրա փորձը վերջին իշխանությունների գործողությունների պարագայում կուտակվում է: Այսինքն՝ անձինք, որոնք, կարծես, առանցքային դեր էին խաղում՝ մեր երկրի ներքին կողոպուտի, հասարակության կազմաքանդման, հուսալքության մակարդակի բարձրացման, երկրի ունեցած ռեսուրսներն անձնական շահերին տանելու, այդ մարդկանց նկատմամբ և սխեմաները բացող որևէ նորմալ դատաքննություն չկա: Եվ սա նույնպես հասարակության մեջ առաջացնում է բազմաթիվ հարցականներ»,- ասաց Հրանուշ Խառատյանը:
Մանրամասները՝ տեսանյութում:
