27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Ժամը 17:00-ի դրությամբ Արցախի ՏԻՄ ընտրություններին մասնակցել է 57 հազար 443 ընտրող
Քաղաքականություն
08.09.2019 | 19:25
Տարածքային ընտրական հանձնաժողովներից ստացված տվյալների համաձայն` ժամը 17.00-ի դրությամբ ընտրություններին մասնակցել է 57 հազար 443 ընտրող: Այս մասին «Արցախպրես»-ի թղթակցի հետ զրույցում ասել է ԱՀ Կենտրոնական ընտրական հանձնաժողովի նախագահին փոխարինող Եղիշե Արզումանյանը եւ ավելացրել, որ ընտրությունները կարելի է համարել կայացած:
«Մասնակիցների թիվն ըստ ընտրական տեղամասերի հետեւյալն է` Ստեփանակերտում` 17 հազար 274 ընտրող, կամ ընտրողների 44.3 տոկոսը, Ասկերանում`8094 ընտրող կամ ընտրողների 68.9 տոկոսը, Հադրութում 5280 ընտրող կամ ընտրողների 61.5 տոկոսը, Մարտակերտում 8136 ընտրող, կամ ընտրողների 62.5 տոկոսը, Մարտունիում` 10954 ընտրող, կամ ընտրողների 63.1 տոկոսը, Շահումյանում` 1347 ընտրող կամ` 63.7 տոկոսը, Շուշիում 1912 ընտրող կամ ընտրողների 48.7 տոկոսը, Քաշաթաղում 4446 ընտրող, կամ ընտրողների 61.3 տոկոսը»,- մանրամասնել է Ե. Արզումանյանը:
Նրա խոսքով` մինչ այս պահը գրավոր դիմում-բողոքներ ԿԸՀ չի ներկայացվել, սակայն դիտորդական առաքելություն իրականացնող կազմակերպությունների կողմից ներկայացվել են մի շարք թերություններ եւ բացթողումներ, որոնք աշխատանքային կարգով շտկվել են:
Ե. Արզումանյանը նշել է, որ մեծ թվով դիտորդներ կան ընտրական տեղամասերում, ովքեր հետեւում են գործընթացին եւ հեռախոսազանգերի միջոցով տեղեկացնում իրավիճակի մասին:
