05.08.2026 | 22:58
Վրաստանում կրկին զանգվածային հոսանքազրկում է տեղի ունեցել
Կայացել է «Ադեկվադ» կուսակցության հիմնադիր համագումարը
Քաղաքականություն
07.09.2019 | 14:49
Այսօր տեղի է ունեցել «Ադեկվադ» կուսակցության հիմնադիր համագումարը, որի ընթացքում ներկայացվել են կուսակցության ստեղծման ծրագիրն ու հռչակագիրը, գործունեության հիմնարար սկզբունքները, նպատակներն ու ուղղությունները:
«Ադեկվադ» ՀԿ-ի ղեկավար Արթուր Դանիելյանը ելույթ ունենալիս նշել է, որ «Ադեկվադ» կուսակցությունը չի ստեղծվում, որպեսզի մասնակցի հերթական ընտրություններին. «Կուսակցության ստեղծումը մարտավարական հնարք է ընդամենը»:
Ապա խոսելով ընդդիմությունից նորաստեղծ կուսակցության առաջնորդը կարծիք է հայտնել, որ լավագույն թեկնածուն Միքայել Մինասյանն է, որը կարող է առաջնորդել ընդդիմությանը: «Բայց եթե լինի ընդդիմություն, ինձ համար Միքայել Մինասյանի թեկնածությունը ոչ թե առավել ընդունելին է, այլ ինքն ամենապատրաստվածն է այս պահին»,- նշել է Արթուր Դանիելյանը:
Իսկ կհամագործակցե՞ն արդյոք ներհայաստանյան այլ քաղաքական ուժերի հետ, Դանիելյանը դժվարացել է պատասխանել. «Եթե համագործակցություն լինի, ապա միայն գաղափարական հենքի վրա»:
