27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Կարիք չկա դրամատիզացնելու. ԱԳ նախարարը՝ ՀՀ-ի և Արցախի միջև տարաձայնությունների մասին. ՏԵՍԱՆՅՈՒԹ
Քաղաքականություն
06.09.2019 | 12:30
Հարաբերություններում տարաձայնություններ ունենալը նորմալ, բնականոն բան է: Այսօր հրավիրված ասուլիսում պատասխանելով Հայաստանի և Արցախի միջև տարաձայնությունների առկայության մասին հարցին՝ ասաց ՀՀ ԱԳ նախարար Զոհրաբ Մնացականյանը՝ միաժամանակ հավելելով, որ հարցերը «դրամատիզացնելու կարիք չկա»:
«Տարաձայնություններ ունեն բոլորը: Երբ կա շփում բոլոր մակարդակներում՝ մարդկայինից մինչև միջպետական, հնարավոր է լինեն տարաձայնություններ: Մենք կարող ենք ունենալ տարաձայնություններ յուրաքանչյուր ուղղությամբ… ոչ թե կարող է, այլ ունենք՝ յուրաքանչյուր ուղղությամբ բոլոր մեր գործընկերների հետ»,- հայտարարեց նախարարը:
Բայց, ըստ Զոհրաբ Մնացականյանի, այդ տարաձայնությունները մեկնաբանել որպես ճգնաժամ և կոնֆլիկտ, «հարաբերություններում դրամա ստեղծելու սահմանն է»:
«Ես չեմ պնդի, որ գոյություն ունի կոնֆլիկտ, որն անհաղթահարելի է, կամ գոյություն ունի իրավիճակ, որտեղ մենք ունենք ճգնաժամ: Նման բան գոյություն չունի: Բայց գոյություն ունի երկոխոսություն, որի ընթացքում կարող են լինել անհամաձայնություններ, և սա նորմալ, բնականոն իրավիճակ է երկու միավորների միջև հարաբերություններում»,- հավելեց Զոհրաբ Մնացականյանը:
Մանրամասները՝ տեսանյութում:
