15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ԱՄՆ-ը 8 միլիոն դոլարով ավելացնում է ՀՀ-ին տրվող օժանդակության չափը․ ՏԵՍԱՆՅՈՒԹ
Քաղաքականություն
05.09.2019 | 11:49
Ամերիկյան կողմից Հայաստանին տրամադրվող հատկացումների ընդհանուր գումարը, որը կազմում էր 80 միլիոն 704 հազար ԱՄՆ դոլար, կավելանա 3 միլիոն 700 հազար դոլարով։ Այս մասին որոշման նախագիծն ընդունեց Կառավարությունն այսօր՝ սեպտեմբերի 5-ի նիստում։
Արդյունքում՝ ամերիկյան կողմի տրամադրած դրամաշնորհների ընդհանուր գումարը «Հայաստանի Հանրապետության կառավարության և Ամերիկայի Միացյալ Նահանգների կառավարության միջև ավելի մրցունակ և զանազանեցված մասնավոր հատվածի շուրջ օժանդակության մասին» համաձայնագրի շրջանակներում կկազմի 84,404,406.36 ԱՄՆ դոլար:
Կառավարությունը կողմ քվեարկեց նաև համանման մեկ այլ՝ «Հայաստանի Հանրապետության և Ամերիկայի Միացյալ Նահանգների միջև առավել մասնակցային, արդյունավետ և հաշվետու կառավարման զարգացմանն ուղղված համագործակցության համաձայնագրի փոփոխություն թիվ 8-ի ստորագրման առաջարկությանը հավանություն տալու մասին» նախագծին հավանություն տալու հարցին։
Ըստ այս նախագծի՝ ամերիկյան կողմից Հայաստանին տրամադրվող 35 միլիոնից ավելի գումարը լրացվեց 4,8 միլիոն ԱՄՆ դոլարով։
Նախագծերի վերաբերյալ Կառավարության ղեկավար Նիկոլ Փաշինյանը նշեց, որ այս երկու նախագծերով ԱՄՆ-ի կողմից ՀՀ-ին տրամադրվող օժանդակությունն ավելանում է 8 միլիոն դոլարով, որոնք ծախսվելու են կոնկրետ ծրագրերի շրջանակում։
Մանրամասները՝ տեսանյութում։
Աղավնի Սուքիասյան
