23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«Հավատում եմ, որ Կառավարությունն իր որոշումը չեղյալ կհամարի»․ Սուսաննա Թադևոսյան. ՏԵՍԱՆՅՈՒԹ
Հասարակություն
04.09.2019 | 16:59
Հայաստանում հաշմանդամություն ունեցող անձանց նկատմամբ կարծրատիպերը դեռ չեն վերացել։ Այս մասին այսօր՝ «Երեխաների քաղաք» ծրագրի իրականացման համար հողատարածքի հատկացման ՀՀ կառավարության որոշումը վերանայելու պահանջի թեմայով ասուլիսի ավարտին լրագրողների հետ զրույցում նշեց «Հույսի կամուրջ» ՀԿ նախագահ Սուսաննա Թադևոսյանը։
«Հայաստանի յուրաքանչյուր քաղաքացի ի՞նչ զգացում կունենա, եթե իր տեսակի համար ստեղծեն քաղաք և իրեն՝ որպես այդ տեսակի ներկայացուցիչ, առանձնացնեն։ Այդ զգացումն ունեն նաև հաշմանդամություն ունեցող այս մարդիկ։ Մենք, անկախ նրանից հաշմանդամություն ունենք, թե ոչ, պարտավոր ենք կանգնել այս մարդկանց կողքին և պահանջենք Կառավարությունից վերջ տալ այս ծրագրին, չեղյալ համարել ծրագիրը բարեգործական ճանաչելու և հողատարածքներ հատկացնելու որոշումն ու մտածել ներառական Հայաստանի մասին։ Ես հավատում եմ, որ Կառավարությունն իր որոշումը չեղյալ կհամարի»,- նշեց Սուսաննա Թադևոսյանը։
Մանրամասները՝ տեսանյութում:
Նելլի Մելքոնյան
