05.08.2026 | 22:03
Microsoft-ը հայտնել է ռուս հաքերների լայնածավալ արշավի մասին՝ ուղղված ամբողջ աշխարհի հյուրանոցների Wi-Fi ցանցերի դեմ
Շտաբի պետի փոփոխություն չի սպասվում․ Դավիթ Տոնոյան. ՏԵՍԱՆՅՈՒԹ
Քաղաքականություն
03.09.2019 | 16:56
Պաշտպանության նախարար Դավիթ Տոնոյանը պնդում է՝ ՀՀ ԶՈՒ գլխավոր շտաբի պետի փոփոխություն չի լինելու:
Factor.am-ի դիտարկմանը, թե այդ պաշտոնի համար շրջանառվում է պաշտպանության նախկին փոխնախարար Վաղարշակ Հարությունյանի անունը, Տոնոյանն արձագանքեց. «Ով որ շրջանառում է, իրենց հարց տվեք։ Ի՞նչ հարց եք տալիս: Իհարկե՝ ոչ»։
Սահմանային իրավիճակի մասին հարցին ի պատասխան էլ Դավիթ Տոնոյանն ասաց, թե հանդիպումների շրջանակում Հայաստանի ու Ադրբեջանի ղեկավարները պայմանավորվում են պահպանել հրադադարի կանոնները: «Որը որ այս պահին մեր կողմից պահպանվում է»,- հավելեց նախարարը:
Անդրադառնալով ԱԺ նախագահ Արարատ Միրզոյանի հայտարարությանը, թե հակառակորդն այլևս չի կարող գնդակոծել Տավուշի մարզի սահմանամերձ Չինարի գյուղը, ՀՀ պաշտպանության նախարարը վստահեցրեց. «Մենք շատ տեղեր ունենք, որոնք այլևս խոցելի չեն»:
Մանրամասները՝ տեսանյութում:
Նարեկ Կիրակոսյան
