06.10.2026 | 16:40
Ֆրանսիայում թանգարանից գողացել են 150 կիլոգրամանոց «Ապոկալիպսիսի գրքի» բրոնզե կազմը, որը ստեղծել է Սալվադոր Դալին
Արսեն Թորոսյանը պետք է հրաժարական տա, ես չեմ հավակնում նախարարի պաշտոնին. Գևորգ Թամամյան. ՏԵՍԱՆՅՈՒԹ
Քաղաքականություն
03.09.2019 | 13:29
Այն էյֆորիան, որ առողջապահության նախարարը ստեղծում է իր անվան շուրջ, այն ֆեյքերի բանակը, որ հարձակվում է, երբ որևէ մեկն այլ բան է ասում, անթույլատրելի է: Լրագրողների հետ զրույցում ասաց ուռուցքաբան, արյունաբան, «Ժպիտների քաղաք» հիմնադրամի հոգաբարձուների խորհրդի անդամ Գևորգ Թամամյանը։
Նա նշեց, որ նախարարությունում տիրող վիճակի մասին բազմիցս բարձրաձայնել է նախարարի ներկայությամբ, բայց վերջինս խուսափել է անգամ ամենափոքր հարցի քննարկումից։
«Որևէ արձագանք չի եղել, նա ոչ ոքի չի լսում։ Առավոտյան ով ինչ մտքով մոտը մտավ, այդպես էլ շարունակում է։ Նման առողջապահության նախարար Հայաստանին պետք չէ, ով ատում է կայացած բժիշկներին, փախչում է ասուլիսից։ Տղամարդավարի կարող էր կանգնել, իմ հարցերին պատասխանել։ Նա միշտ խուսափել է ուղիղ հանդիպումից»,- հայտարարեց ուռուցքաբանը:
Մեր հարցին՝ արդյո՞ք հավակնում է նախարարի պաշտոնին, Գևորգ Թամամյանը բացասական պատասխան տվեց:
Մանրամասները՝ տեսանյութում:
Նարեկ Կիրակոսյան
