16.12.2025 | 21:33
Մաշտոցը կլինի թղթի վրա, իսկ հեռախոսները՝ միայն դասի համար. Ժաննա Անդրեասյանի արձագանքը՝ քննադատություններին
Որտեղ պարապ մարդ տեսանք պետք է ուղարկենք տուն՝ հանգստանալու․ Նիկոլ Փաշինյան․ ՏԵՍԱՆՅՈՒԹ
Քաղաքականություն
29.08.2019 | 13:07
Ես ուզում եմ մեր բոլորի ուշադրությունը հրավիրել մի կարևոր գործոնի վրա՝ Հայաստանի Կառավարության և Հայաստանի հանրության մեջ կա երկխոսություն, որը տեղի է ունեցել և տեղի է ունենում, իսկ մեր արձանագրած թվային ցուցանիշները հենց այդ երկխոսության արդյունք են։
Այս մասին այսօր Կառավարության նիստում ասաց վարչապետ Նիկոլ Փաշինյանը։
Վերջինս ընդգծեց նաև մշակութային կյանքի ակտիվացման անհրաժեշտությունը և շեշտեց՝ եթե թանգարանները իրենց գործը ճիշտ կազմակերպեն, այնտեղ այցելուների կիլոմետրերով հերթեր կգոյանան։
«Եթե կա մի թանգարան, որի ղեկավարությունը չի կարողանում խնդիրը լուծել, պետք է որոշում կայացնել և փոխել ղեկավարությանը։ Այո՛, կլինեն ցույցեր, բայց միևնույնն է, սա ստրատեգիական խնդիր է։ Որտեղ պարապ մարդ տեսանք, պետք է ուղարկենք տուն՝ հանգստանալու»,- ասաց Փաշինյանը։
Վարչապետը կարևորեց նաև պետության կողմից մշակութային օջախների ֆինանսավորման հարցը՝ ընդգծելով, որ մշակույթն ու արվեստը պետությունը պետք է դիտարկի որպես տնտեսության մեկ ճյուղ և չպետք է թույլ տա, որ պետական մշակութային օջախները անընդհատ մնան բերագործության հույսին, բայց միևնույն ժամանակ պետք է նրանք կարողանան ավելացնել սեփական եկամուտները՝ ձևավորելով առաջարկ և պահանջարկ։
Վարչապետը նաև նշեց, որ մենք չպետք է մեր մշակութային օջախներին դնենք այն վիճակում, որ գնան ծուռ վզով տարբեր բարեգործական ընկերությունների մոտ և փող ուզեն գոյատևման համար։
Մանրամասները՝ տեսանյութում։
Աղավնի Սուքիասյան
