15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ԱՄՆ-ի կոշտ պայմանը՝ թուրքերին. «Կա՛մ F-35-ները, կա՛մ S-400-ները»
Քաղաքականություն
29.08.2019 | 11:42
Պենտագոնի ղեկավար Մարք Էսփերը, ինչպես նաև ԱՄՆ-ի զինված ուժերի գլխավոր շտաբի պետ, բանակի գեներալ Ջոզեֆ Դանդորֆը մամուլի ասուլիս են տվել, որի ընթացքում անդրադարձել են Թուրքիայի հետ ունեցած խնդիրներին՝ կապված նոր սերնդի F-35 կործանիչների հետ. գրում է ermenihaber-ը:
Վերջերս Պենտագոնը Թուրքիային դուրս է թողել F-35-ների ծագրից։ Հիմնական պատճառն այն է, որ չնայած ամերիկյան ղեկավարության բազմաթիվ զգուշացումներին ու կոչերին, Թուրքիան այդպես էլ չհրաժարվեց ռուսական S-400 զենիթահրթիռային ՀՕՊ համակարգերը ձեռք բերելու մտադրությունից։ Թուրքիան հույս ուներ, որ կարող է ձեռք բերել և՛ ամերիկյան կործանիչները, և՛ ռուսական համակարգերը։
Էսփերը, պատասխանելով լրագրողի այն հարցին, թե արդյոք Թուրքիան նորից կարող է վերականգնվել F-35-ների ծրագրում, եթե հետքայլ անի S-400-ների հարցում, ասել է. «Այս հարցում ես շատ պարզ եմ եղել թե՛ հանրության, թե՛ թուրք գործընկերների հետ հանդիպման ժամանակ հնչեցրած հայտարարություններում։ Կա՛մ S-400-ները, կա՛մ F-35-ները։ Կա՛մ առաջինը, կա՛մ երկրորդը, երկուսը մի տարածքում չեն կարող, նույնիսկ եթե մեկը ավտոտնակում կանգնեցված վիճակում լինի»:
Անդրադառնալով F-35-ների ծագրում Թուրքիայի վերականգնման հավանականությանը՝ ամերիկացի զինվորականը նշել է, որ իրենք կարող են այդ հարցը քննարկել միայն այն դեպքում, եթե Թուրքիան ամբողջովին դուրս գա S-400-ների ծրագրից։
