03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Ադրբեջանի և Հայաստանի միջև դե ֆակտո խաղաղություն է հաստատվել․ Ջեյհուն Բայրամով
Քաղաքականություն
26.09.2026 | 12:21
Ադրբեջանի ԱԳ նախարար Ջեյհուն Բայրամովը հայտարարել է, որ Ադրբեջանն ու Հայաստանը դե ֆակտո հասել են խաղաղության
Ինչպես փոխանցում է Report-ը, այս մասին Ադրբեջանի արտաքին գործերի նախարար Ջեյհուն Բայրամովը հայտարարել է ՄԱԿ-ի Գլխավոր ասամբլեայի 81-րդ նստաշրջանի ընթացքում։
«Չնայած Հայաստանին առնչվող տասնամյակներ շարունակվող հակամարտությունը ծանր ողբերգություններ է պատճառել մեր ժողովրդին և խոր վերքեր թողել մեր հողի վրա, Ադրբեջանն ընտրել է ապագայի ճանապարհը և որոշել է շրջել թշնամանքի էջը։
Մենք Հայաստանին առաջարկել ենք խաղաղություն՝ հիմնված միմյանց ինքնիշխանության և տարածքային ամբողջականության փոխադարձ ճանաչման ու հարգման վրա և լիովին համապատասխան միջազգային իրավունքի նորմերին ու սկզբունքներին։
Նորմալացմանն ուղղված մեր ջանքերի արդյունքում նախորդ տարվա օգոստոսին Վաշինգտոնում կայացած խաղաղության գագաթնաժողովում պատմական արդյունքներ գրանցվեցին։ Գագաթնաժողովում Ադրբեջանի և Հայաստանի առաջնորդները Ամերիկայի Միացյալ Նահանգների նախագահ Դոնալդ Թրամփի ներկայությամբ ստորագրեցին համատեղ հռչակագիր։ Այդ հռչակագրում կողմերը հաստատեցին հակամարտության ավարտը և խաղաղ ու բարեկեցիկ ապագա կառուցելու իրենց ընդհանուր կամքը։ Կողմերը նաև նախաստորագրեցին խաղաղության և միջպետական հարաբերությունների հաստատման մասին համաձայնագիրը։
Մենք արդեն դե ֆակտո հասել ենք խաղաղության։ Բացի այդ, Ադրբեջանը միակողմանիորեն վերացրել է տարանցման սահմանափակումները՝ դյուրացնելով ապրանքների փոխադրումը Հայաստան և Հայաստանից։ Մենք նաև երկկողմ առևտրային հարաբերություններ ենք հաստատել։ Չնայած միջազգային շուկաներում աճող անկայունությանը և այդ արտադրանքի նկատմամբ համաշխարհային պահանջարկի ավելացմանը՝ Ադրբեջանը պարբերաբար ռազմավարական նշանակություն ունեցող նավթամթերք է մատակարարում Հայաստանին։
Ադրբեջանի նախաձեռնած խաղաղության օրակարգի առաջընթացին զուգահեռ՝ մեր ողջ տարածաշրջանը դառնում է կայունության, տրանսպորտային կապի և կոնկրետ տնտեսական օգուտների հեռանկարային կենտրոն։
Այս գործընթացի անշրջելիությունն ապահովելու համար չափազանց կարևոր է վերացնել մնացած խոչընդոտը և պայմաններ ստեղծել նորմալացման գործընթացն ավարտելու համար՝ արդեն նախաստորագրված երկկողմ համաձայնագրի ստորագրման միջոցով»։
ԱԳ նախարարն ընդգծել է․ «Տարածաշրջանային նորմալացման գործընթացին զուգահեռ՝ Ադրբեջանի հետպատերազմյան օրակարգը, ի վերջո, ուղղված է նրան, որ հարյուր հազարավոր ադրբեջանցիներ կարողանան իրացնել իրենց տներ անվտանգ և արժանապատիվ պայմաններում վերադառնալու իրավունքը: Կառավարության իրականացրած լայնածավալ վերակառուցման աշխատանքների շնորհիվ կյանքն այժմ վերադառնում է մեր ազատագրված տարածքներ…»։
Թարգմանությունը՝ Անահիտ Խաչատրյանի
