17.12.2025 | 18:09
Պապոյանն ու Շվեյցարիայի դեսպանը քննարկել են տնտեսության ոլորտում երկկողմ համագործակցության ընդլայնման հնարավորությունները
Հեղափոխությունից 1,5 տարի է անցել․ ի՞նչ պրոդուկտ ենք ստեղծել, որ դեսպանները կարողանան դրսում վաճառել․ բան չկա․ Մարուքյան․ ՏԵՍԱՆՅՈՒԹ
Քաղաքականություն
29.08.2019 | 11:10
ՀՀ դիվանագիտական ներկայացուցչությունների ղեկավարներն այսօր Ազգային ժողովում էին՝ պատգամավորների հետ հանդիպման: «Լուսավոր Հայաստան» խմբակցության ղեկավար Էդմոն Մարուքյանը հանդիպման ժամանակ ունեցած ելույթում ասաց՝ Սահմանադրությամբ ամրագրված է, որ Կառավարությունն է մշակում և իրականացնում արտաքին քաղաքականությունը, և «մենք չենք կարող ասել, օրինակ, թե ինչու են այսպես ձևավորվել մեր արտաքին քաղաքական առաջնահերթությունները»:
«Բայց ես հռչակված առաջնահերթությունների հետ կապված խնդիր ունեմ, նվազագույնը՝ ինքնիշխանության հետ կապված: Որովհետև եթե ինչ-որ մեկն ինձ ԵԽԽՎ-ում հարց տա՝ ի՞նչ էր եղել ձեր ինքնիշխանությանը, որ դուք այն հռչակել եք որպես առաջնահերթություն, ես չեմ կարողանա այդ հարցին պատասխանել»,- ասաց ԼՀԿ ղեկավարը:
Էդմոն Մարուքյանը կարծում է, որ մինչև հեղափոխությունը Հայաստանը շատ կարևոր ձեռքբերումներ է ունեցել արտաքին քաղաքական դաշտում:
«Լինելով ՀԱՊԿ անդամ երկիր՝ կազմակերպության անդամ միակ երկիրն ենք, որ ՆԱՏՕ-ի հետ ունենք այդքան խորը համագործակցություն: ԵՏՄ անդամ միակ երկիրն ենք, որ ունենք Եվրամիության հետ ստորագրված համաձայնագիր»,- թվարկեց Մարուքյանը՝ հավելելով. «Դա հեղափոխությունից առաջ էր: Հեղափոխությունից անցել է 1.5 տարի, ի՞նչ ենք ավելացրել այս եղածի վրա»:
Մանրամասները՝ տեսանյութում:
