13.10.2026 | 18:25
Ավինյանի նոր աշխատավարձը՝ հին ամսականից ցա՞ծր․ քաղաքապետի վարձատրության հանելուկը
«Հարկ եղած դեպքում կխստացնենք տնտեսական ճնշումները Թուրքիայի վրա». Մերկել
Քաղաքականություն
22.09.2017 | 11:58
Գերմանիայի կանցլեր Անգելա Մերկելը տեղեկացրել է, որ Թուրքիայի հետ տնտեսական հարաբերությունները սահմանափակվել են, իսկ անհրաժեշտության դեպքում այդ երկրի նկատմամբ տնտեսական ճնշումները կարող են ավելի խստացվել. փոխանցում է ermenihaber-ը:
Թուրքական «Ntv.com.tr» լրատվակայքի տեղեկացմամբ՝ այս մասին Մերկելը հայտարարել է Թուրքիայում ազատազրկված Գերմանիայի քաղաքացիների խնդրի համատեքստում:
«Առանց այդ էլ Թուրքիայի հետ տնտեսական հարաբերությունները արդեն որոշ ժամանակ է՝ սահմանափակվել են: Եվ եթե դրա անհրաժեշտությունը լինի, թեև ես դա չեմ ցանկանում, մենք կշարունակենք նույն կերպ», – ասել է Գերմանիայի կանցլերը:
Նա հավելել է նաև, որ Գերմանիան շարունակում է անհրաժեշտ քայլեր ձեռնարկել՝ Թուրքիայում կալանավորված իր քաղաքացիների ազատ արձակմանը հասնելու համար:
Մերկելը նաև կրկնել է Թուրքիայի նախագահ Ռեջեփ Թայիփ Էրդողանին ուղղված քննադատությունները՝ նշելով, որ Թուրքիան հեռանում է իրավական պետության մասին իրենց պատկերացումներից:
Հավելենք, որ սեպտեմբերի 24-ին Գերմանիայում անցկացվելու են խորհրդարանական ընտրություններ: Այդ ընտրությունների արդյունքները Թուրքիայի համար ամեն դեպքում բարենպաստ չեն լինի, քանի որ դաշնային խորհրդարան մտնելու համար պայքարող բոլոր քաղաքական կուսակցություններն էլ կողմ են արտահայտվել Թուրքիայի նկատմամբ տարվող քաղաքականության խստացմանը:
