17.12.2025 | 16:16
Բասկետբոլի Հայաստանի հավաքականները կմասնակցեն Եվրոպայի առաջնություններին
Վայոց ձորում այրվում է անտառածածկ տարածք. հրդեհաշիջմանը մասնակցել են 41 փրկարար, 46 զինծառայող, Հերմոն և Գլաձոր գյուղերից 11 բնակիչ և «Հայանտառի» 21 աշխատակից
Հասարակություն
24.08.2019 | 11:23
Օգոստոսի 23-ին, ժամը 14:53-ին «911» ծառայությանն ահազանգ է ստացվել, որ Վայոց ձորի մարզի Հերմոն գյուղում այրվում է անտառածածկ տարածք: Այս մասին հայտնում են ԱԻՆ-ից:
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ և մեկ օպերատիվ խումբ, մարզային ճգնաժամային կառավարման կենտրոնից երեք օպերատիվ խումբ:
Հրդեհաշիջման աշխատանքներին մասնակցել են 41 փրկարար, ՊՆ թիվ N զորամասից 46 զինծառայող, Հերմոն և Գլաձոր գյուղերից 11 բնակիչ և «Հայանտառ» ՊՈԱԿ-ի Վայոց ձորի անտառտնտեսության մասնաճյուղի 21 աշխատակից:
Մթության պատճառով հրդեհաշիջման աշխատանքները դադարեցվել են. սահմանվել է հերթապահություն:
Կտրվի լրացուցիչ տեղեկություն:
