28.11.2024 | 19:52
«Ես կանկրետնի առաջադրվելու եմ, դանակը օսկորին է հասել»․ Վարդան Ղուկասյան
Հնդկաստանի հարավում ահաբեկչության վտանգի պատճառով անվտանգության խստացված միջոցառումներ են ձեռնարկվել
Քաղաքականություն
23.08.2019 | 14:20
Հնդկաստանի հարավային Թամիլնադ նահանգի իշխանությունները հայտնել են ենթակառուցվածքային օբյեկտների անվտանգության պահպանության ուժեղացման մասին՝ կապված հնարավոր ահաբեկչական հարձակումների հետ: Այս մասին գրում է ՏԱՍՍ-ը՝ վկայակոչելով Hindustan Times-ը:
Պատճառը նահանգի տարածք «Լաշքար-է-Թայբա» ծայրահեղական կազմակերպության զինյալների ենթադրյալ ներթափանցման մասին տվյալներն են: Ոստիկանությունն ուժեղացրել է նահանգի բոլոր խոշոր քաղաքների երկաթուղային և ավտոբուսային կայարանների, ինչպես նաև առևտրի կենտրոնների պահպանությունը:
Աղբյուրը հաղորդել են, որ ահաբեկիչներից մեկը կարող էր նահանգի տարածք անցնել Պակիստանից, ևս հինգը՝ Շրի Լանկայից:
Հնդկաստանի հարավում իրադրությունը լարվել է օգոստոսի 5-ից, երբ Նյու Դելին հայտարարեց Ջամմու և Քաշմիր նահանգը լուծարելու և հատուկ կարգավիճակից զրկելու մասին: Փոխարենն այստեղ երկու առանձին վարչական միավոր է ստեղծվելու, որոնք ավելի քիչ իրավունքներ կունենան, քան նահանգը:
Պակիստանը, որն ավանդաբար աջակցում է նահանգի մահմեդական բնակչությանը, քննադատեց Հնդկաստանի իշխանությունների այս որոշումը: Սրա հետ կապված՝ հնդկական կառավարությունը բնակչությանը նախազգուշացրել է Պակիստանի կողմից աջակցություն վայելող ահաբեկչական խմբավորումների կողմից հնարավոր հարձակումների մասին:
