06.10.2026 | 15:55
Կառլոս Ալկարասը` Տոկիոյի մրցաշարի հաղթող. ՏԵՍԱՆՅՈՒԹ
Փոփոխություն՝ «Ընդերքի մասին» օրենքում․ կպարզեցվի վարչարարությունը․ ՏԵՍԱՆՅՈՒԹ
Քաղաքականություն
22.08.2019 | 11:26
Կառավարության օգոստոսի 22-ի նիստում գործադիրն ընդունեց որոշման նախագիծ, որով առաջարկվում է փոփոխություններ կատարել «Ընդերքի մասին», «Վարչական իրավախախտումների մասին», «Պետական տուրքի մասին» ՀՀ օրենքների նախագծերի փաթեթում։
Ըստ Տարածքային կառավարման և ենթակառուցվածքների նախարարի տեղակալ Վաչե Տերտերյանի՝ առաջարկվող փոփոխությունները նպատակ ունեն պարզեցնել վարչարարությունը, երկրաբանական ուսումնասիրության համար տրվող իրավունքը ստանալու դիմումի ժամկետները, ինչպես նաև կարգավորում են ընդերքի օգտագործման հետ կապված շինարարական մեծածավալ աշխատանքների և ապաստարանների, պահուստարանների կառուցմանն առնչվող խնդիրները։
Փոխնախարարի խոսքով՝ ընդերքօգտագործման իրավունքի տրամադրման չափանիշների ու պայմանների վերանայման և հստակեցման նպատակով առաջարկվում է վերանայել ՀՀ ընդերքի մասին օրենսգրքի (այսուհետ՝ օրենսգիրք) 33-րդ, 38-րդ և 49-րդ հոդվածները։
Նախագծի ընդունմամբ կպարզեցվի ընդերքօգտագործման իրավունքի տրամադրման գործընթացի վարչարարությունը, ինչպես նաև վարչական վիճակագրական ռեգիստրի վարումը կիրականացվի լիարժեք՝ ապահովելով ռեգիստրի տվյալների հավաստիությունը:
Մանրամասները՝ տեսանյութում։
