02.03.2026 | 11:35
Իսրայելը հարվածել է Լիբանանին․ հաղորդվում է 31 զոհի և 149 վիրավորի մասին. ՏԵՍԱՆՅՈՒԹ
Սիրիայում թուրքական զինուժը կրակ է բացել քուրդ զինյալների դեմ
Քաղաքականություն
19.08.2019 | 20:11
Թուրքիայի պաշտպանության նախարարությունը պաշտոնական հաղորդագրություն է տարածել, ըստ որի՝ «Եփրատի Վահան» գործողության տարածքում տեղակայված թուրքական զինուժը կրակ է բացել Սիրիայի քրդական «Ժողովրդական ինքնապաշտպանության ջոկատների» (YPG) դեմ: Այս մասին գրում է ermenihaber.am-ը։
Թուրքական աղբյուրը պնդում է, որ Սիրիայի Թել-Ռըֆաթ շրջանում առաջինը նախահարձակ են եղել քուրդ զինյալները` կրակելով թուրքական զինուժի ուղղությամբ:
Նշենք, որ Թուրքիան YPG-ին նույնացնում է «Քուրդիստանի բանվորական կուսակցության» (ՔԲԿ-PKK) հետ, որին համարում է հաբեկչական կառույց:
Հիշեցնենք, որ Թուրքիան 2016-ի օգոստոսին Սիրիայի տարածքում իրականացրել էր «Եփրատի վահան» անունը կրող ռազմական օպերաիցան: «Իսլամական պետություն» խմբավորման դեմ պայքարելու պատրվակով թուրքական ուժերը հիմնական հարվածը հասցնում էին Սիրիայի քրդերին:
