01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Գործեք օրենքի շրջանակում. «Ընդդեմ իրավական կամայականության» ՀԿ-ի կոչը ոստիկանությանը
Հասարակություն
19.09.2017 | 18:18
«Ընդդեմ իրավական կամայականության» ՀԿ-ն դատապարտում է քաղաքացիներին ազատությունից զրկելու ցանկացած ապօրինի գործունեություն և պատրաստ է աջակցել իրավախախտման զոհ դարձած քաղաքացիների իրավունքների պաշտպանության և վերականգնման գործընթացին։
Այս մասին հայտարարելով՝ հասարակական կազմակերպությունը միաժամանակ կոչ է անում ոստիկանության աշխատակիցներին գործել օրենքի շրջանակում և պահպանել Սահմանադրությամբ ամրագրված ազատությունները և իրավունքները։
Հայտարարության մեջ նշվում է, որ 2017 թվականի սեպտեմբերի 19-ին «Ընդդեմ իրավական կամայականության» ՀԿ-ն ահազանգ է ստացել, որ մի շարք քաղաքացիներ ապօրինի բերման են ենթարկվում:
Առավոտյան Երևանի Կենտրոն վարչական շրջանում քաղաքացիներին մոտեցել են քաղաքացիական հագուստով ոստիկաններ, չեն ներկայացրել, քաղաքացիներին չեն տրամադրել իրավական հիմքեր և վերջիններիս կամքին հակառակ, ուժ կիրառելով տեղափոխել են ոստիկանական բաժանմունք։ Քաղաքացիներին բերման են ենթարկել հիմնականում համալիրի շրջակա տարածքից և հանրապետության հրապարակից:
Նշվում է, որ կազմակերպության փաստաբանը աջակցություն է ցուցաբերել 5 քաղաքացիների, որոնք ազատությունից զրկված են եղել։ Կազմակերպության փաստաբանի ջանքերով վերը նշված 5 քաղաքացիներն ազատ են արձակվել ոստիկանության բաժանմունքից։
