14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ֆելիքս Ցոլակյանն այցելել է Անիի հրշեջ-փրկարարական ջոկատ
Քաղաքականություն
08.08.2019 | 21:40
Օգոստոսի 7-ին ԱԻ նախարար Ֆելիքս Ցոլակյանն այցելել է Շիրակի մարզի Մարալիկ քաղաքում գտնվող Անիի հրշեջ-փրկարարական ջոկատ:
Նախարարը ծանոթացավ հրշեջ-փրկարարական ջոկատի տեխնիկական հագեցվածությանը, ընթացիկ աշխատանքներին, ինչպես նաև զրուցեց ծառայություն մեջ գտնվող անձնակազմի հետ:
Նախարարը կարևորեց կարգապահությունը, հրշեջ-փրկարարների մասնագիտական կարողությունների և հմտությունների կատարելագործումը, որի արդյունքում անընդհատ պետք է բարձրանա փրկարարական տարբեր աշխատանքների որակը:
Ֆելիքս Ցոլակյանը տեղեկացրեց նաև, որ կառավարությունը գումար է հատկացրել հրշեջ-փրկարարական ջոկատների վերանորոգման և տեխնիկական վերազինման համար:
Նախարար Ցոլակյանը փրկարարներին կոչ արեց շոգ եղանակի և արձակուրդային շրջանի հետ կապված ցուցաբերել բարձր զգոնություն, որպեսզի հնարավոր լինի պատշաճ կերպով արձագանքել մեծ թվով հրդեհներին և արտակարգ պատահարներին:
