26.11.2024 | 10:25
Ալիևը զանգահարել է Դոնալդ Թրամփին
Մեկնարկում է արդյունաբերական մասշտաբի արեւային նոր ծրագրի նախապատրաստական աշխատանքները. Ավինյան
Տնտեսություն
08.08.2019 | 21:09
Վերականգնվող էներգետիկայի զարգացման նպատակով Վերակառուցման եւ զարգացման եվրոպական բանկի (ՎԶԵԲ) հետ համատեղ մեկնարկում է արդյունաբերական մասշտաբի արեւային նոր ծրագրի նախապատրաստական աշխատանքները։ Այս մասին իր ֆեյսբուքյան էջում գրառում է արել ՀՀ փոխվարչապետ Տիգրան Ավինյանը։
Գրառման մեջ, մասնավորապես, ասվում է.
«Հայաստանի Հանրապետության կառավարությունը հերթական քայլն է կատարում իր ծրագրով ստանձնած #հանձնառություններից եւս մեկը կյանքի կոչելու ուղղությամբ։
Վերականգնվող էներգետիկայի զարգացման նպատակով Վերակառուցման եւ զարգացման եվրոպական բանկի (ՎԶԵԲ) հետ համատեղ մեկնարկում է #արդյունաբերական մասշտաբի արեւային նոր ծրագրի նախապատրաստական աշխատանքները՝ ընտրված հինգ տեղանքներում մինչեւ 120 ՄՎտ հզորությամբ #արեւային կայանների կառուցման համար։
Ծրագրի նախապատրաստման նպատակով աջակից խորհրդատվական ընկերության ընտրության համար ընթանում է #ՎԶԵԲ-ի կողմից հայտարարված մրցույթ, որի մանրամասներին կարելի է ծանոթանալ հետեւյալ հղմամբ՝ https://www.ebrd.com/work-with-us/procurement/pn-79664.html»։
