27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Ամուլսարի հանքի եզրակացությունը պատրաստ է, սրբագրման փուլում է. ՔԿ նախագահ․ ՏԵՍԱՆՅՈՒԹ
Քաղաքականություն
08.08.2019 | 11:28
Կառավարության այսօրվա նիստը մեկնարկեց Ամուլսարի հանքավայրում փորձագիտական եզրակացության վերաբերյալ Քննչական կոմիտեի նախագահ Հայկ Գրիգորյանին ուղղված վարչապետ Նիկոլ Փաշինյանի հարցադրումներով։
Վարչապետը հետաքրքրվեց՝ ի՞նչ փուլում է անկախ փորձագիտական խմբի եզրակացությունը, քանի որ այդ մասին մամուլը բազմաթիվ հարցադրումներ է հնչեցնում։ Հայկ Գրիգորյանը ներկայացրեց հաշվետվություն այն մասին, թե ինչ գործընթացներ են նախորդել փորձագիտական եզրակացության պատրաստմանը ու տեղեկացրեց, որ այդ եզրակացությունը միայն երեկ՝ օգոստոսի 7-ի առավոտյան է թարգմանված հանձնվել Քննչական կոմիտեին:
«Հանրությունը պետք է իրազեկված լինի, թե մենք ինչ փաստաթուղթ ունենք, որպեսզի մեր գործողություններն էլ հասկանալի ու թափանցիկ լինեն», – արձագանքեց վարչապետը։
Հավելենք, որ ՀՀ քննչական կոմիտեում դեռևս 2018 թվականի հուլիսին հարուցվել էր քրեական գործ՝ Ամուլսարի ծրագրի նախագծի փորձաքննության ժամանակ ՀՀ Բնապահպանության նախարարության պաշտոնատար անձանց կողմից շրջակա միջավայրի աղտոտման մասին տեղեկությունները դիտավորությամբ թաքցնելու առերևույթ դեպքի առթիվ։ Այս քրեական գործի շրջանակում պատվիրվել է միջազգային փորձաքննություն, որն իրականացնելու էր լիբանանյան ELARD ընկերությունը։
Մանրամասները՝ տեսանյութում:
Նարեկ Կիրակոսյան
