17.12.2025 | 11:33
Տեր Շտեգենը վերադարձել է խաղադաշտ ու մասնակցել «Բարսելոնայի» հաղթանակին․ ՏԵՍԱՆՅՈՒԹ
Պետք է նույն լեզվով խոսենք. դա պետական լեզուն է. փոխնախարարը՝ Սամցխե-Ջավախքում
Քաղաքականություն
06.08.2019 | 19:13
Վրաստանի Հաշտեցման և քաղաքացիական հավասարության հարցերով փոխնախարար Լիա Գիգաուրին այցելել է Սամցխե-Ջավախեթիի Նինոծմինդայի շրջանի գյուղեր՝ Փոկա, Վլադիմերովկա, Տամբոկվա, հանդիպել տեղի բնակիչներին։ Այս մասին գրում է aliq.ge-ն։
Հանդիպմանը, որին մասնակցել են Սամցխե-Ջավախքի մարզպետ Բեսիկ Ամիրանաշվիլին, պատգամավորներ Հենզել Մկոյանը, Կախաբեր Օքրիաշվիլին, Սիմոն Նոզաձեն և Նինոծմինդայի քաղաքապետ Անիվարդ Մոսոյանը, քննարկվել են շրջանին վերաբերող մարտահրավերները և բնակչությանը հուզող հարցերը:
Պետնախարարի տեղակալի խոսքով, տեղի բնակչության հետ հանդիպումը միշտ կարևոր է, քանի որ խնդիրների մասին տեղեկություն ստանալն անձամբ նրանցից առավել ստույգ է:
«Բացի այդ, նման հանդիպումներին տեղեկություններ ենք փոխանցում կառավարության կողմից իրականացված նախագծերի վերաբերյալ, խոսում ենք ապագա ծրագրերի մասին: Պետության բյուջեն հիմա է ծրագրվում, այսպիսով իրականացվող նախագծերը պետք է համաձայնեցված լինեն շրջանների բնակչության հետ, համապատասխանեն նրանց կարիքներին»,- ասել է Լիա Գիգաուրին:
Նա խոսել է նաև հայաբնակ շրջանում առկա ինտեգրման խնդրի շուրջ:
«Շատ կարևոր են պետական լեզվին տիրապետելու հետ կապված մարտահրավերները: Մենք պետք է մեկ լեզվով խոսենք, այդ լեզուն պետք է լինի պետականը: Այդ պատճառով, մեր կողմից ևս մեկ անգամ առաջարկվել է պետական լեզուն տարածող, դրանով շփվող շրջիկ խմբերով աշխատել։ Նրանք լավագույնս կօգնեն պետական լեզվին չտիրապետող քաղաքացիներին»,- ասել է Լիա Գիգաուրին:
