05.08.2026 | 23:19
Արգենտինայի Պատգամավորների պալատում կազմավորվել է Հայաստանի հետ բարեկամության խումբ
Դեսպան Բաղդասարյանի հանդիպումը Քուվեյթի մշակույթի, արվեստի և գրականության ազգային խորհրդի գլխավոր քարտուղարի հետ
Քաղաքականություն
04.08.2019 | 13:40
Հուլիսի 31-ին Քուվեյթում ՀՀ դեսպան Սարմեն Բաղդասարյանը հանդիպեց Քուվեյթի Պետության մշակույթի, արվեստի և գրականության ազգային խորհրդի գլխավոր քարտուղարի պաշտոնակատար Քամել Ալ Աբդուլ Ջալիլի (Kamel Al Abdul Jalil) հետ:
Գլխավոր քարտուղարը, ջերմորեն ողջունելով ՀՀ դեսպանին և մեծապես կարևորելով մշակութային ոլորտում ակտիվ համագործակցության անհրաժեշտությունը, հայտնեց քուվեյթյան կողմի պատրաստակամությունը բոլոր հնարավոր ուղղություններով աջակցելու մշակութային նախաձեռնությունների իրականացմանը։
Դեսպան Բաղդասարյանն անդրադարձավ Ազգային խորհրդի հետ կատարված արդյունավետ աշխատանքին և վստահություն հայտնեց, որ մոտ ապագայում հնարավոր կլինի կյանքի կոչել մի շարք համատեղ մշակութային նախաձեռնություններ։ Այդ համատեքստում զրուցակիցները մտքեր փոխանակեցին երկուստեք հետաքրքրություն ներկայացնող օրակարգային հարցերի շուրջ:
