29.04.2026 | 14:50
Որքան է կազմելու Հայաստանում «Յուվենտուսի» ակադեմիայի ամսական վճարը. ծրագրի մանրամասներն ու նախագրանցման մեկնարկը․ ՏԵՍԱՆՅՈՒԹ
Իշխանական էլիտան Սերժ Սարգսյանի գլխավորությամբ՝ մարզահամերգային համալիրում է
Քաղաքականություն
18.09.2017 | 11:44
Երևանի Կարեն Դեմիրճյանի անվան մարզահամերգային համալիրում մեկնարկեց «Փոխադարձ վստահություն, միասնականություն և պատասխանատվություն» խորագրով Հայաստան-Սփյուռք հերթական՝ 6-րդ համահայկական համաժողովը, որը տևելու է մինչև սեպտեմբերի 20-ը:
Քիչ առաջ համաժողովին մասնակցելու համար մարզահամերգային համալիր ժամանեցին նաև ՀՀ նախագահ Սերժ Սարգսյանը, Ամենայն Հայոց Կաթողիկոս Գարեգին երկրորդը, Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Առաջինը, Արցախի նախագահ Բակո Սահակյանը, վարչապետ Կարեն Կարապետյանը, Ազգային ժողովի նախագահ Արա Բաբլոյանը և բարձրաստիճան մի շարք պաշտոնյաներ:
Նախագահ Սարգսյանին համալիրի բակում դիմավորեցին Ամենայն Հայոց Կաթողիկոս Գարեգին երկրորդը, Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Առաջինը, Արցախի նախագահ Բակո Սահակյանը: Այնուհետև անվտանգության աշխատակիցների ուղեկցությամբ ներս մտան և չնայած լրագրողներին որևէ կերպ չհաջողվեց նրանց մոտենալ և հարցեր ուղղել, այնուամենայնիվ լրագրողներից մեկը Սերժ Սարգսյանին հարց ուղղեց՝ 2018 թվականին ինքն է լինելո՞ւ վարչապետը: Նախագահը հարցը թողեց անպատասխան:
Մանրամասները՝ տեսանյութում:
Շողիկ Գալստյան
