06.05.2024 | 23:35
Պարեկները ապրիլի 29-ից մայիսի 6-ը Երևանում հայտնաբերել են 4 123, մարզերում՝ 12 068 խախտում
100 ընտանիք նվիրատվությամբ կստանա բնակելի տարածքներ․ Սուրեն Պապիկյան․ ՏԵՍԱՆՅՈՒԹ
Քաղաքականություն
25.07.2019 | 11:42
Կառավարության հուլիսի 23-ի նիստում գործադիրն ընդունեց որոշման նախագիծ, որով մեկ տարվա ընթացքում պետության կողմից 231 անձ ունեցող 100 ընտանիքի նվիրատվությամբ կտրվի 106 բնակելի տարածք։
Կառավարության համաձայնությանը ներկայացնող ՀՀ տարածքային կառավարման և զարգացման նախարար Սուրեն Պապիկյանի խոսքով՝ հանրակացարանային տարածքներում բնակվող բնակիչներն իրենց զբաղեցրած տարածքները սեփականության իրավունքով կստանան տվյալ հասցեներում հաշվառված և մինչև 2017 թվականը տվյալ տարածքում փաստացի բնակվող այն ՀՀ քաղաքացիները, որոնք պետական աջակցությամբ իրականացված բնակապահովման ծրագրերի շրջանակներում երբևէ բնակարան ձեռք չեն բերել, չեն ստացել նաև ֆինանսական աջակցություն, սեփականության իրավունքով իրենց պատկանող այլ անշարժ գույք չունեն։
Նախարար Պապիկյանը նշեց, որ առաջարկվող նախագծով սեփականության իրավունքով տվյալ բնակիչներին նվիրատվության բնակտարածքներ տրամադրելու գործընթացն առավել դյուրին կդառնա՝ զերծ ավելորդ թղթաբանությունից։
Մանրամասները՝ տեսանյութում։
Աղավնի Սուքիասյան
