16.12.2025 | 14:35
ԿԳՄՍ նախարարի տեղակալը Ճամբարակում մասնակցել է «Վորքաութ» մարզահրապարակի բացմանը
ԱՄՆ-ում կյանքից հեռացել է ծագումով հայ դերասան Դևիդ Հեդիսոնը
23.07.2019 | 15:31
Լոս Անջելեսում 93 տարեկանում կյանքից հեռացել է ծագումով հայ դերասան Դևիդ Հեդիսոնը։ Այս մասին հայտնում է ՌԻԱ Նովոստին՝ վկայակոչելով Variety.com-ը:
Դերասանի մահվան պատճառն անհայտ է:
Հեդիսոնն առավել հայտնի է Ջեյմս Բոնդի մասին ֆիլմում Ֆելիքս Լեյթերի կերպարով։ «Նա մեզ անմնացորդ էր սիրում և դա ամեն օր ցույց էր տալիս։ Մեր հայրը խինդ և հումոր էր բերում՝ ուր էլ գնար, և դա անում էր հիասքանչ ոճով»,- նշել են դերասանի դուստրերը՝ Ալեքսանդրան և Սերենան։
Նշենք, որ դերասանը ծնվել է 1927 թվականին, ամերիկյան Ռոդ Այլենդ նահանգի Փրովիդենս քաղաքում՝ հայ ներգաղթյալներ Արա (Ալբերտ) Հեդիսոնի և Ռոզ Պողոսյանի ընտանիքում:
Նրա իրական ազգանունը Հեդիցյան է, որը ձևափոխվել է մինչև դերասանի ծնունդը՝ պապի՝ Հարություն Հեդիցյանը կողմից, որն ԱՄՆ է գաղթել Շապին-Գարահիսարից:
Դևիդ Հեդիսոնը որոշել է դերասան դառնալ դեռևս հինգ տարեկանում և հետագայում նշել, որ դերասանական տաղանդը ժառանգել է տատից՝ պոլսեցի Սերմա Բոյաջյան-Հեդիցյանից:
Նելլի Մելքոնյան
