Քաղաքականություն
22.07.2019 | 11:33Հայաստանի հետ Համապարփակ և ընդլայնված գործընկերության համաձայնագիրն արդեն իրականացման փուլ է մտնում։ Հայկական կողմի հետ այժմ քննարկում ենք այն կոնկրետ ձևերը, որոնցով ԵՄ-ն կարող է աջակցել Հայաստանի կառավարության կողմից ներկայացված ճանապարհային քարտեզի իրականացմանը։
«ՀՀ ճյուղային նախարարություններն այս պահին կոնկրետ գործողություններ են մշակում՝ Համապարփակ և ընդլայնված գործընկերության համաձայնագրի ճանապարհային քարտեզի մասով, ինչը դրական եմ գնահատում»,- նշեց Սվիտալսկին։
Նրա խոսքով՝ Եվրամիությունը նաև նշանակալիորեն ավելացրել է Հայաստանի զարգացմանն ուղղված ֆինանսական աջակցության մակարդակը։
«Հայաստանը 25 միլիոն եվրո է ստացել «Umbrella» հիմնադրամի ֆիանանսավորման շրջանակում։ Դուք կարող եք հպարտանալ, քանի որ այս հիմնադրամի մակարդակը Հայաստանում ավելի բարձր է, քան Վրաստանում, ինչը հստակ ուղերձ է»,- ընդգծեց Սվիտալսկին։
Հայաստանում Եվրամիության դեսպանն անդրադարձավ նաև վերջերս հրապարակված Արևելյան գործընկերության երկրների շրջանում անցկացվող հարցմանը, որի արդյունքներով ՀՀ քաղաքացիների 92%-ը նշել է, որ ՀՀ-ԵՄ հարաբերությունները ճիշտ ուղու վրա են և արդյունավետ են զարգանում։
Մանրամասները՝ տեսանյութում:
Նելլի Մելքոնյան
