09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
70 ներդրումային ծրագիր ունենք ու 10 000 աշխատատեղի ստեղծում ենք ակնկալում. Սուրեն Կարայան
Տնտեսություն
11.05.2017 | 14:20
Այսօր կառավարության նիստից հետո ՀՀ տնտեսական զարգացման և ներդրումների նախարար Սուրեն Կարայանը լրագրողների հետ զրույցում խոսեց նոր աշխատատեղերի ու ներդրումային ծրագրերի մասին:
«Մոտ ժամանակներս վիճակագրություն կհրապարակվի` օտարերկրյա ներդրումների մասին հստակ թվերով: Ունենք մոտ 70 ներդրումային ծրագիր», – նշեց նախարարը՝ հավելելով, որ 35 ներդրումային ծրագրերի կառավարությունն արդեն հավանություն է տվել և պետական օժանդակություն է ցուցաբերելու:
Իսկ հարցին, թե երբ կզգա բնակչությունը ներդրումների ազդեցությունը, նախարարը պատասխանեց. «Ազդեցությունը բնակչությունը կզգա, երբ աշխատատեղեր կստեղծվեն: Արդեն աշխատատեղերը ստեղծվում են։ Հայտարարված 7000 աշխատատեղի փոխարեն ակնկալում ենք 10 հազար աշխատատեղ ստեղծել»։
