18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Սեւանա լճի մակարդակը նախորդ տարվա նիշից ավելի է 1 սմ-ով
15.07.2019 | 22:42
Սեւանա լճի մակարդակը նախորդ տարվա հուլիսի 15-ի նիշից բարձր է 1 սանտիմետրով՝ չնայած Սեւանա լճից իրականացվող բացթողումներին: Ինչպես տեղեկացրին ՀՀ ԱԻՆ «Հայհիդրոմետ» ծառայությունից, 2019 թվականի հուլիսի 15-ին Սեւանա լիճը ծովի մակերեւույթից գտնվել է 1900 մետր 81 սանտիմետր բարձրության վրա՝ նախորդ տարվա նույն օրում գրանցված 1900 մետր 80 սանտիմետր նիշի դիմաց:
Նույն աղբյուրի համաձայն՝ այս տարվա ապրիլից մինչեւ հուլիսի 15-ն ընկած ժամանակահատվածում Արփա-Սեւան թունելային ջրատարով Սեւանա լիճ է տեղափոխվել 130 միլիոն 602 հազար խորանարդ մետր ջուր: Ոռոգման նպատակներով Սեւանա լճից բաց է թողնվել 42 միլիոն 189 հազար խորանարդ մետր ջուր:
Գեղարքունիքի մարզպետարանի գյուղատնտեսության եւ բնապահպանության վարչության պետ Համբարձում Համբարձումյանի կարծիքով՝ Սեւանա լճի դրական հաշվեկշռի ապահովումը ներկա դեպքում պայմանավորված է լճից իրականացվող չափավոր ջրթողքով, առատ տեղումներով ու Արփա-Սեւան ջրատարով նախորդ տարիների համեմատ ավելի մեծ ծավալներով ջրի տեղափոխմամբ:
