30.01.2026 | 15:27
ԱՄՆ-ը սպառնում է նոր մաքսատուրքեր սահմանել Կուբա նավթ մատակարարող երկրների նկատմամբ
Ինչի արդյունք է Սևանա լճի ծաղկումը, կա՞ն մեղավորներ․ նախարարը մանրամասնում է․ ՏԵՍԱՆՅՈՒԹ
Քաղաքականություն
11.07.2019 | 13:54
Լճերը երեք կարգավիճակ են ունենում՝ շատ մաքուր, միջին և ճահճացված։ Սևանա լիճն այս պահին միջին կարգավիճակում է։ Այս մասին այսօր հրավիրված մամուլի ասուլիսի ընթացքում նշեց շրջակա միջավայրի նախարար Էրիկ Գրիգորյանը։
«Լճի մակարդակի իջեցման հետևանքով վնասվել է սառը շերտը՝ հիպոլիմիումը։ Սա նշանակում է, որ ճահճացման տանող նյութերը, որոնց աճն ու զարգացումը նախկինում հնարավոր չէր, հիմա արդեն ինտենսիվ աճում են։ Լճի մակարդակը 6 մետրով բարձրացնելու իմաստը հենց այդ շերտի վերականգնումն է։ Սակայն հնարավոր է՝ պարզվի, որ սառը շերտի վերականգնման համար մակարդակի ավելի շատ բարձրացում է պետք»,- ընդգծեց Էրիկ Գրիգորյանը։
Նախարարի խոսքով՝ Սևանա լիճը ճահճացման չի գնում, սակայն խնդիրներին ադեկվատ չարձագանքելու դեպքում որակական մեծ վնասներ լինեն։
«2017 թվականին Սևանա լճի թափանցիկությունը 14 մետր էր։ Սա լավագույն ցուցանիշներից էր: Ընդամենը երկու տարվա մեջ թափանցիկությունը 2-2.5 մետրի իջավ»,- նշեց նախարարը։
Ըստ նրա՝ այս պահին ընթացքի մեջ գտնվող քրեական գործերն իրավական գնահատական են տալիս այն մասին, թե ով և որքանով է մեղավոր լճի նման վիճակի համար:
Մանրամասները՝ տեսանյութում:
