27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Նիկոլ Փաշինյանն Արսեն Թորոսյանի ներկայացրած նախագիծը հանեց Կառավարության նիստի օրակարգից․ փաստարկների պակաս կա․ ՏԵՍԱՆՅՈՒԹ
Քաղաքականություն
11.07.2019 | 12:22
Առողջապահության նախարար Արսեն Թորոսյանն այսօր Կառավարության հավանությանն էր ներկայացնում մի նախագիծ, որով առաջարկվում է անպտղության բուժման և հաղթահարման նպատակով ընդլայնել պետության կողմից անվճար բուժծառայություններից օգտվողների շրջանակը։
Ըստ նախարարի՝ ծրագիրը նոր է, շահառուների թիվն էլ հիմա հստակեցնում է։
Նիկոլ Փաշինյանը հետաքրքվեց՝ կառավարության որոշման մեջ ներկայացված շրջանակի բոլոր շահառուները կարողանալո՞ւ են օգտվել ծրագրից, թե «գումարն ավարտվելու է, մարդկանց ասելու ենք՝ չէ», ինչն ի պատասխան Թորոսյանը հայտնեց, որ լինելու է օնլայն հերթագրում՝ ըստ նախապես ներկայացված նախապայմանների, իսկ մեկ տարում բոլոր հերթագրվածներին սպասարկել չեն կարողանա։
«Տարեկան առնվազն 85 զույգի կարողանալու ենք սպասարկել»:
Արձագանքնելով նախարարի խոսքին՝ Փաշինյանն ասաց, որ նմանատիպ մի ծրագիր նախկինում էլ եղել է և այն ընդհատվել է, քանի որ հստակեցված չի եղել, ոչ շահառուների թիվը, ոչ էլ անհրաժեշտ միջոցների հարցը։
«200 մլն հատկացնում ենք, բայց շահառուների շրջանակը լայն է, ու ո՞նց են մարդիկ հայտնվելու այս ցուցակում՝ ծանոթո՞վ, բարեկամո՞վ»,-ասաց վարչապետը՝ առաջակելով հանել նախագիծն այս տեսքով օրակարգից, քանի որ դրանում կա փաստարկների պակաս։
Մանրամասները՝ տեսանյութում։
