19.12.2025 | 12:53
Ինչում է ադրբեջանցի դատախազը մեղադրում Ռուբեն Վարդանյանին. մանրամասներ դատական նիստից
Զարուհի Փոստանջյանը միջնորդեց գրավի դիմաց ազատ արձակել Արմեն Բիլյանին
Հասարակություն
10.07.2019 | 12:01
Շարունակվում է «Սասնա ծռեր» խմբի տասն անդամի գործով դատական նիստը: Ամբաստանյալներից Արմեն Բիլյանի պաշտպան Զարուհի Փոստանջյանը դատարանին միջնորդեց փոխել Արմեն Բիլյանի խափանման միջոց կալանքը` գրավով կամ այլ խափանման միջոցով:
Հիշեցնենք, որ Արմեն Բիլյանը և Սմբատ Բարսեղյանը շարունակում են մնալ կալանքի տակ: Նրանց են մեղսագրվում Ոստիկանության աշխատակիցների սպանությունները:
Մեղադրող դատախազ Պետրոս Պետրոսյանը առարկեց Փոստանջյանի միջնորդության դեմ, ասելով, որ այս հարցը արդեն երկու անգամ քննարկվել է և հիմա էլ նոր հանգամանքներ չեն ներկայացվում միջնորդության համար և այն ենթակա է առանց քննության թողնելու:
Դատավոր Մեսրոպ Մակյանը հայտարարեց, որ ամբաստանյալների բացակայության պարագայում սույն միջնորդությունը քննել չի կարող:
Նշենք նաև, որ դատավորի որոշմամբ ամբաստանյալներից Մխիթար Ավետիսյանի նկատմամբ նշանակվեց դատաբժշկական փորձաքննություն:
Լիլիթ Շաբոյան
