07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Հայաստանցի-արցախցի տարբերակում չի լինելու. 100 երեխա կմեկնի Շուշի. ՏԵՍԱՆՅՈՒԹ
Հասարակություն
08.07.2019 | 16:47
Հուլիսի 9-19-ը Շուշիում անցկացվելու է վրանային ճամբար, որին մասնակցելու են ՀՀ մարզերի և Արցախի շրջանների հարյուր երեխաներ: Երկրորդ փուլով մասնակցելու են նաև մինչև 18 տարեկաններ, իսկ վերջին փուլում՝ 18-35 տարեկանները: Նախաձեռնության հեղինակներն ՀՀ Ազգային ժողովի «Իմ քայլը» խմբակցության պատգամավորներն են:
Հեղինակներից Սոֆյա Հովսեփյանը հայտնեց, որ Շուշիում կայանալիք ճամբարի նպատակը միջմարզային մշակութային կապերի հաստատումը և փոխադարձ ճանաչողությունն է:
«Մասնակիցներին հնարավորություն ենք ընձեռելու միասին ծանոթանալ միջմարզային մշակույթին և առանձնահատկություններին: Նրանք իրար ավելի մոտիկից կճանաչեն և կկարողանան ավելի սերտ համագործակցել իրար հետ: Կարևոր է, որ այս ծրագրին պետք է մասնակցեն ոչ միայն պատանիները, այլև երիտասարդները՝ ապագա զորակոչիկները: Հնարավոր է՝ նրանք Արցախում ծառայեն, և նախապես ծանոթանալով Արցախին՝ դա օգտակար կլինի նրանց համար»,- ասաց պատգամավորը:
«Իմ քայլի» պատգամավոր Տաթևիկ Հայրապետյանն էլ ասաց, որ նման միջացառումների շնորհիվ կվերանա հայաստանցի-արցախցի բաժանումը. «Ծրագրի ֆինանսավորողներն են ՀՀ նախագահը, ԱԺ նախագահը և Արցախի իշխանությունները: Կարևոր թիրախներից է «հայաստանցի-արցախցի» անհիմն շահարկումները վերացնելը: Դա անելու լավագույն միջոցը շփումների կազմակերպումն է»:
Նշենք, որ ծրագրի համար ՀՀ Ազգային ժողովը շուրջ 5 մլն դրամ է տրամադրել, իսկ փոխադրամիջոցն ապահովելու է ՀՀ նախագահի աշխատակազմը:
Մանրամասները՝տեսանյութում:
Նարեկ Կիրակոսյան
