07.10.2026 | 12:10
Փաշինյանը՝ ադրբեջանցի զինվորին Բաքվին հանձնելու մասին // ՌԴ-ում ԱՄՆ դեսպանատունը տագնապ է տարածել․ ԼՈՒՐԵՐ
Շիրակի պետհամալսարանում չարաշահումների և յուրացումների գործերը քննելու է ՀՔԾ-ն
Հասարակություն
08.07.2019 | 14:24
Շիրակի պետական համալսարանում չարաշահումների, յուրացումների և այլ հանցագործությունների հիման վրա հարուցված քրեական գործերը քննելու է Հատուկ քննչական ծառայությունը։ Այս մասին ֆեյսբուքյան գրառմամբ տեղեկացնում է ՇՊՀ հոգաբարձուների խորհրդի նախագահ Լևոն Բարսեղյանը։
«Գլխավոր դատախազությունից պատասխան ստացա, որի վերջում ասվում է. «Հաշվի առնելով գործի բարդությունը և ծավալը, ապացուցման առարկա հանդիսացող ֆինանսական բնույթի չարաշահումները, դրանք ընդգրկող ժամանակահատվածը և այս կամ այն կերպ համալսարանի գործունեությանն առնչվող անձանց քանակը, ինչպես նաև քրեական գործերով բազմակողմանի, լրիվ և օբյեկտիվ քննությունը երաշխավորելու անհրաժեշտությունը՝ դատախազության կողմից պահանջվել է քրեական գործը՝ ՀՀ գլխավոր դատախազի հանձնարարությամբ ՀՀ հատուկ քննչական ծառայություն ուղարկելու նպատակով»,- գրել է Լևոն Բարսեղյանը:
Նա հավելել է, որ Քննչական կոմիտեից գործն անցնում է ՀՔԾ տիրույթ, որն ավելի կոշտ և ավելի պատասխանատու ատյան է համարվում հանրային ընկալման մեջ:
Նշենք, որ հարուցված գործերի մեղադրանքների հիմքում Շիրակի պետական համալսարանին պատճառված հսկայական ֆինանսական վնասներն են:
Էմմա Չոբանյան
