03.09.2026 | 19:45
Բիտումի ներմուծման ծավալն ու միջին արժեքը աճել են
Միջադեպ բժիշկների միջազգային համաժողովին. Արա Բաբլոյանին անհայտ անձը բարկացրեց. ՏԵՍԱՆՅՈՒԹ
Հասարակություն
05.07.2019 | 14:39
Երևանում շարունակվում է հայ բժիշկների 5-րդ միջազգային համագումարը: Մարդու պապիլոմա վիրուսի պատվաստման թեմայով քննարկման ժամանակ միջադեպ տեղի ունեցավ, որին մասնակցում էր ԱԺ նախկին նախագահԱրա Բաբլոյանը:
Քննարկման ժամանակ Արթուր Ալեքսանյան անուն-ազգանունով, աշխարհաքաղաքականության մասնագետ ներկայացած քաղաքացին աղմկոտ հայտարարություն արեց՝ այն վերագրելով առողջապահության նախարար Արսեն Թորոսյանին: Քաղաքացին, մասնավորապես, ասաց, որ Արսեն Թորոսյանը, իբր, հայտարարել է, թե աշխարհում արտադրվող դեղորայքը պետք է փորձարկվի Հայաստանում:
Արա Բալոյանը երիտասարդին զգուշացրեց, որ շատ վտանգավոր է ասել մի բան, որը չի համապատասխանում իրականությանը: Արթուր Ալեքսանյանն այնուհետ մեջբերեց Բիլ Գեյթսին, որ աշխարհում մարդիկ չափից շատ են և պետք է փորձեր արվեն, որ կրճատվի: Ապա նա փորձեց զուգահեռներ տանել Արսեն Թորոսյանին վերագրվող հայտարարության և Բիլ Գեյթսի խոսքերի միջև: Արա Բաբլոյանը ցանկացավ պատասխանել Ալեքսանյանին, սակայն վերջինը սկսեց զուգահեռաբար խոսել՝ խլացնելով Արա Բաբլոյանի ձայնը:
Արա Բաբլոյանը բարկացավ. «Մենք փորձում ենք պատասխանել, բայց Դուք ընդհատեցիք պրոֆեսորին»: Ալեքսանյանին պատասխանեց փոխնախարար Լևոն Հակոբյանը՝ նրա հարցերն անտրամաբանական որակելով:
Մանրամասները՝ տեսանյութում:
Նարեկ Կիրակոսյան
