07.08.2026 | 13:39
Հոկտեմբերի 1-ից ԵՏՄ երկրների համար ռուսական շուկայում նոր օրենք կգործի․ Միշուստին. ՏԵՍԱՆՅՈՒԹ
«Արագած» միջազգային փառատոնն Իտալիայից Հայաստան է «տեղափոխվել»
Մշակույթ
04.07.2019 | 21:35
Արդեն 17 տարի Իտալիայում անցկացվող «Արագած» միջազգային փառատոնն այս տարվանից Հայաստանում կլինի։ Այս մասին այսօր հրավիրված ասուլիսի ընթացքում նշեց փառատոնի գլխավոր տնօրեն և հիմնադիր, թավջութակահար Վահրամ Սարաջյանը։
«Ժամանակն առաջ է գնում, իսկ հայրենիքի կարոտը մեծանում է։ Այդպես, որոշեցի փառատոնը Հայաստան »տեղափոխել»,- նշեց Վահրամ Սարաջյանը։
Նրա խոսքով՝ փառատոնին մշտապես հայտնի կատարողներ և աշխարհի տարբեր կոնսերվատորիաներից պրոֆեսորներ են մասնակցում։ Այս տարի փառատոնին 15 կատարող կմասնակցի։
«Համերգները տարբեր դահլիճներում են կայանալու։ Ընդհանուր 20 համերգ կլինի, որից 14-ը՝ պրոֆեսորների համերգները, իսկ 6-ը ուսանողներինը։ Ուսանողների համերգները Կոնսերվատորիայի դահլիճում կկայանան»,- ընդգծեց փառատոնի հիմնադիրը։
Ըստ նրա՝ համերգներից բացի, նաև վարպետության դասեր կանցկացվեն, որոնց մուտքն ազատ կլինի։
Վահրամ Սարաջյանը հավելեց, որ փառատոնի ընթացքում նաև անակնկալ պրեմիերա կլինի․ առաջին անգամ կհնչի հայ մեծանուն կոմպոզիտոր Էդվարդ Միրզոյանի «Շուշանիկ» ստեղծագործությունը՝ մշակված թավջութակի և դաշնամուրի համար։
Բացի այդ, կստեղծվի նաև «Արագած» երաժշտական կոլեկտիվը, որին նաև ուսանողները կկարողանան մասնակցել։
Նելլի Մելքոնյան
