28.11.2024 | 23:27
Վրաստանում ցուցարարները շարժվում են դեպի խորհրդարան
Ճապոնիայում հեղեղների պատճառով 600 հազար բնակչի կտարհանեն
Քաղաքականություն
03.07.2019 | 11:56
Ճապոնական Կյուսյու կղզու Կագոսիմա քաղաքի իշխանությունները որոշել են անհապաղ տարհանել շուրջ 600 հազար բնակչի: Պատճառն այս շրջանում չդադարող հորդառատ անձրևներն են, գրում է «Իզվեստիան»:
Երկրի օդերևութաբանական գլխավոր վարչության ներկայացուցիչը նախազգուշացրել է, որ առաջիկա օրերին անձրևներն ուժգնանալու են, ինչը կարող է տարերային աղետների հանգեցնել:
Նա նաև բնակչությանը կոչ է արել գիտակցաբար վերաբերվել սպառնալիքին և ինքնուրույն տարհանվել վտանգավոր շրջանից՝ չսպասելով տագնապի հայտարարությանը:
Նշենք, որ երկու օրվա ընթացքում տեղումների քանակությունը գերազանցել է հուլիսի ամսական նորման: Հաջորդող օրերին ևս մինչև 900 մմ տեղումներ են սպասվում: Սողանքների և գետերի վարարումների վտանգ կա:
