16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ինչպե՞ս եք վերաբերվում բնական մենաշնորհներին․ Արման Բաբաջանյանը՝ ՏՄՊՊՀ անդամի թեկնածուին․ ՏԵՍԱՆՅՈՒԹ
Քաղաքականություն
28.06.2019 | 12:18
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր խորհրդարանում ՏՄՊՊՀ անդամի թեկնածու Էդգար Ճաղարյանից հետաքրքրվեց, թե վերջինիս ինչ տեսակետ ունի բնական մենաշնորհների վերաբերյալ։
«2018 թվականի նոյեմբերի 20-ին «Հարավկովկասյան երկաթուղի» ՓԲԸ-ի գործողություններն ու վարքագիծը որակվել էին որպես գերիշխող դիրքի չարաշահում և դրա համար սահմանվել է 30 միլիոն դրամ տուգանք, ինչը «Հարավկովկասյան երկաթուղի» ՓԲԸ-ն վիճարկել էր։ Դուք ինչպե՞ս եք վերաբերում այս հարցին, այս ուղղությամբ ի՞նչ ունենք անելու։ Երկրորդ բնական մենաշնորհը՝ օդանավակայանն ու դրա մատուցած ծառայությունների թանկ լինելու հանգամանքն է, այս հարցում ՏՄՊՊՀ հանձնաժողովից են միշտ ակնկալվել լուծումներ, որոնք, սակայն, ապարդյուն էին։ Դուք ինչպե՞ս եք պատկերացնում խնրի լուծումը»,- հարցրեց պատգամավորը։
Հարցերին ի պատասխան Էդգար Ճաղարյանը նշեց, որ ՏՄՊՊՀ անդամ ընտրվելու պարագայում անպայման շատ խորն ուսումնասիրություն է կատարելու այս հարցերի առնչությամբ։
«Օրինակ՝ դիզվառելիքի տեղափոխման զգալի մասը տեղափոխվում է երկաթգծով․ կա հատուկ սակագին, որը տրվում է վառելիքի խոշոր ներմուծողներին, ինչը շատ նորմալ է, բայց երբ այդ հատուկ սակագինը 50-70 տոկոսով ավելի ցածր է, քան գործող սակագինը, ապա ես այստեղ տեսնում են անբարեխիղճ մոտեցում․ այսինքն՝ հնարավորություն չի տրվում փոքր խաղացողներին մտնել դաշտ»,- ասաց Ճաղարյանը։
Անդրադառնալով օդանավակայանի սպասարկման բարձր գներին՝ Ճաղարյանը նկատեց, որ բնականոն մրցակցություն ապահովելու համար պետք է գործարկել Գյումրու օդանավակայանը, ինչը կստեղծի մրցակցություն ու կբերի գների նվազման։
Պատգամավոր Բաբաջանյանը ՏՄՊՊՀ անդամին հիշեցրեց, որ այստեղ խոսք չի կարող գնալ մրցակցության մասին, քանի որ Գյումրու օդանավակայանն էլ նույն ընկերությունն է շահագործում։
