04.02.2026 | 23:29
ՇՄ նախարարը և Դևիդ Կուպերը քննարկել են «Կենսաբանական բազմազանության մասին» կոնվենցիայի ներքո ընթացող գործընթացներ
2026թ. Ձմեռային օլիմպիական խաղերը կանցկացվեն իտալական Միլանում
25.06.2019 | 13:46
2026 թվականի Օլիմպիական և Պարօլիմպիկ խաղերն Իտալիայում կանցկացվեն։ Որպես օլիմպիական մայրաքաղաքներ ընտրվել են Միլանը և Կորտինա դ՛Ամպեցոն: Այս մասին Լոզանում Միջազգային օլիմպիական հանձնաժողովի 134-րդ նիստի ժամանակ հայտարարել է հանձնաժողովի նախագահ Թոմաս Բախը, տեղեկացնում է euronews-ը:
Խաղերն Իտալիայում անցկացնելու հայտը 47 ձայն է հավաքել, իսկ մրցակից Շվեդիայի հայտը՝ 34 ձայն: Միջազգային օլիմպիական հանձնաժողովի մեկ անդամ քվեարկությանը ձեռնպահ է մնացել:
«Իտալացի երկրպագուների ոգևորությունը կազմակերպիչների փորձի հետ համադրելով՝ մարզիկների համար կատարյալ մթնոլորտ կստեղծենք»,- ընդգծել է Թոմաս Բախը:
Նշենք, որ Իտալիան Օլիմպիական խաղերն արդեն չորրորդ անգամ է հյուրընկալելու: 1956 թվականին հենց իտալական Կորտինա դ՛Ամպեցո քաղաքում է ԽՍՀՄ հավաքականն առաջին անգամ մասնակցել ձմեռային Օլիմպիական խաղերին: 1960 թվականին ամառային Օլիմպիական խաղերն անցկացվել են Հռոմում, իսկ 2006-ին՝ Թուրինում:
Նելլի Մելքոնյան
