08.06.2026 | 12:10
ԱԺ կանցնի 4 ուժ՝ ըստ նախնական արդյունքների // Ձերբակալվածներ տեղամասի մոտ դանակահարության գործով․ ԼՈՒՐԵՐ
Նախարար Արայիկ Հարությունյանը պաշտոնական այցով կմեկնի Բելառուսի Հանրապետություն
Հասարակություն
21.06.2019 | 11:59
ՀՀ կրթության, գիտության, մշակույթի և սպորտի նախարարությունից տեղեկացնում են, որ նախարար Արայիկ Հարությունյանը հունիսի 21-ից 22-ը Բելառուսի Հանրապետության սպորտի և տուրիզմի, ինչպես նաև կրթության նախարարների հրավերով կգտնվի Մինսկում՝ մասնակցելու երկրորդ Եվրոպական խաղերի բացման արարողությանը, որին մասնակցելու են Եվրոպայի 50 երկրների սպորտի պատասխանատուներ:
«Արայիկ Հարությունյանը կմասնակցի նաև նույն օրերին Մինսկում կայանալիք կրթության նախարարների հանդիպմանը, որին հրավիրված են շուրջ 20 երկրների կրթության և գիտության նախարարներ: Հանդիպման ընթացքում քննարկվելու են մասնակից երկրների միջին մասնագիտական կրթության համակարգը, առկա խնդիրներն ու մարտահրավերները և դրանք լուծելու ռազմավարական ուղղությունները։
Պաշտոնական այցի շրջանակում նախատեսված են նախարարի մի շարք հանդիպումներ մասնակից երկրների կրթության, գիտության, մշակույթի և սպորտի ոլորտների պատասխանատուների հետ, ինչպես նաև այցեր Բելառուսի ուսումնական հաստատություններ»,- ասված է հաղորդագրությունում:
